""ნაციონალური მოძრაობიდან" წასულ 4 ადამიანს დარწმუნებული ვარ, რომ ბევრი გაყვება, ოღონდ სხვადასხვა მიმართულებით",-ამის შესახებ საქართველოს ფინანსთა მინისტრმა ნოდარ ხადურმა ჟურნალისტებს განუცხადა.

რაც შეეხება "ნაციონალური მოძრაობის" ყოფილი წევრების დღევანდელ განცხადებას, რომ არსებობს რეალური საფრთხე, მომავალ საპარლამენტო არჩევნებში  უმრავლესობით პრო-რუსული ძალები მოვიდნენ,  ხადურის თქმით,  პოლიტიკური ძალა,  რომელიც 2012 წლიდან ქვეყანას მართავს, პროევროპულია.

"ჩვენი პოლიტიკური ძალა,  რომელიც ქვეყანას მართავს 2012 წლი ოქტომბრის არჩევნების შემდეგ, არის ევროპული, პროევროპული და ჩვენი ორიენტაცია არის ევროპა. ჩვენ ეს არაერთხელ არა მარტო სიტყვით, არამედ საქმითაც დავამტკიცეთ. რაც შეეხება "ნაციონალური მოძრაობიდან" წასულ 4 ადამიანს, დარწმუნებული ვარ, რომ მათ ბევრი გაყვება, ოღონდ სხვადახვა მიმართულებით",-განაცხადა ნოდარ ხადურმა.

ცნობისთვის, პარტია "ერთიანი ნაციონალური მოძრაობა" სულ 4-მა ადამიანმა- გოგა ხაჩიძემ, ზურაბ ჯაფარიძემ, გიორგი მელაძემ, პავლე კუბლაშვილმა დატოვა. ისინი ახალი პოლიტიკური ცენტრის შექმნას გეგმავენ. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია