თავისუფლებას გაფრთხილება სჭირდება, არასახელმწიფოებრივ აზროვნებას ჩვენი ქვეყნისთვის დიდი ზიანი მოაქვს, ამის შესახებ საქართველოს პრემიერ-მინისტრმა ირაკლი ღარიბაშვილმა თავისუფლების მოედანზე, 26 მაისთან დაკავშირებით გამართულ ღონისძიებაზე განაცხადა, სადაც 200-მა სამხედრო მოსამსახურემ ფიცი დადო.

 
„საქართველოს დამოუკიდებლობა, ეს ნიშნავს, ქართულ სახელმწიფოებრიობას, ეს არის დასაწყისი ქართული სახელმწიფოებრიობის, ეს ნიშნავს სახელმწიფო ინსტიტუტების მშენებლობას, ჩვენს მოქალაქეებზე ზრუნვას, და თითოეული ოჯახის გაძლიერებას და განმტკიცებას. დამოუკიდებლობის დღე არის ამავე დროს ჩვენი სახელმწიფოებრიობის დღე, როცა ყველა ერთად უნდა ვაცნობიერებდეთ იმ საერთო სიკეთეს, რაც მოაქვს სამართლებრივ სახელმწიფოს. ამ იდეას მრავალი თაობა შეეწირა, მრავალი მათგანის ოცნებად დარჩა მისი ხილვა, ხოლო ჩვენ, დღეს გვაქვს პატივი, რომ ვიცხოვროთ დამოუკიდებელ ქართულ სახელმწიფოში. სწორედ ს არის პასუხისმგებლობა იმ თაობების წინაშე, ვინც ეს იდეა განახორციელა. ეს არის ამავდროულად პასუხისმგებლობა ჩვენი მომავალი თაობების წინაშე, ვისაც უნდა დავუტოვოთ ერთიანი ძლიერი და სამართლიანი სახელმწიფო, რომელიც ზრუნავს ჩვენი ქვეყნის მოქალაქეებზე“, - განაცხადა ღარიბაშვილმა.

როგორც პრემიერმა აღნიშნა, არასახელმწიფოებრივ აზროვნებას ჩვენი ქვეყნისთვის დიდი ზიანი მოაქვს და ამის მაგალითები ბევრი გვაქვს.

ამასთან, ღარიბაშვილმა საქართველოს თითოეულ მოქალაქეს და ჯარისკაცებს დამოუკიდებლობის დღე კიდევ ერთხელ მიულოცა და მეგობარ სახელმწიფოებს მხარდაჭერისთვის მადლობა გადაუხდა.

„თავისუფლებას სჭირდება გაფრთხილება, არასახელმწიფოებრივ აზროვნებას მოაქვს დიდი ზიანი ჩვენი ქვეყნისთვის და ამის მაგალითები სამწუხაროდ ბევრი გვაქვს. ამიტომ, კიდევ ერთხელ ვულოცავ ამ დღეს ყველას, საქართველოს თითოეულ მოქალაქეს, ჩვენს ძვირფას ჯარისკაცებს. მე მინდა მადლობა გადავუხადო ჩვენი ქვეყნის მეგობარ სახელმწიფოებს, ამერიკის შეერთებულ შტატებს, ევროპის სახელმწიფოებს, ყველას, ვინც მხარს უჭერს ჩვენი ქვეყნის ერთიანობას და დამოუკიდებლობას“, - განაცხადა ირაკლი ღარიბაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია