პარლამენტის შენობასთან, სადაც საპროტესტო აქცია მიმდინარეობს ინციდენტი მოხდა.

მოქალაქემ, რომელიც აქციის მონაწილე არ იყო, ადგილზე შეკრებილ მოქალაქეებს და აქციის ორგანიზატორებს სიტყვიერი შეურაცხყოფა მიაყენა.

ორგანიზატორებმა აქციის მონაწილეებს მოუწოდეს, პროვოკაციებს არ აყვნენ:

„ეს არის პროვოკატორი და გთხოვთ არ აყვეთ. ხელი მას არ უნდა დაედოს. ეს არის მშვიდობიანი აქცია. ყველამ უნდა ნახოს, რომ ჩვენ ხალხს ფიზიკურად არ ვუპირისპირდებით. ასევე მოვუწოდებთ სამართალდამცველებს, დაგვიცვან მსგავსი პროვოკაციებისგან და აკონტროლონ სიტუაცია“, - მიმართა აქციის ერთ-ერთმა ორგანიზატორმა ადგილზე შეკრებილებს.

მოქალაქე აქციის ორგანიზატორებმა მიმდებარე ტერიტორიიდან გაიყვანეს.

ადგილზე ამ დროისთვის ვითარება განმუხტულია. საპროტესტო აქცია კონცერტით გრძელდება.

ცნობისთვის, აქციის მონაწილეების მთავარი მოთხოვნებია: დაუყოვნებლივ დატოვოს თანამდებობა პრემიერმა გიორგი კვირიკაშვილმა; უპირობოდ გადადგეს საკუთარ ხალხზე მოძალადე შს მინისტრი გიორგი გახარია; დაისაჯოს 12 მაისის შავი პარასკევის ძალადობრივ ოპერაციაზე პასუხისმგებელი ყველა პირი; მმართველ ძალაში ხალხის მხარეს მყოფი პოლიტიკოსები გაემიჯნონ ხელისუფლების მიერ არჩეულ ძალადობრივ კურსს.

ავტორი: ,

სოციალური ქსელები

ვინ არის გენერალ-მაიორი მიხაილო დრაპატი, უკრაინის შეიარაღებული ძალების ახალი მეთაური

ზელენსკიმ სირსკი უკრაინის შეიარაღებული ძალების მთავარსარდლის თანამდებობიდან გაათავისუფლა და მის ნაცვლად დრაპატი დანიშნა

Wildberries-ის საწყობის ხანძრის შედეგად მიყენებულმა ზარალმა რუსეთის 53 რეგიონის წლიურ ბიუჯეტს გადააჭარბა

რეჟიმი სუს-ის იუბილის აღსანიშნავად 80 ათას ლარს უტენდეროდ დახარჯავს