2018-03-21 10:55:08, 987 ნახვა
რეგიონი
მდინარე ჩირუხის წყალში 13 წლის მოზარდს ეძებენ
მეორე დღეა სოფელ შუბანში ჩირუხის წყლის მიმდებარე ტერიტორიაზე სამძებრო-სამაშველო ოპერაცია მიმდინარეობს.
შუახევის მუნიციპალიტეტის მერიის ინფორმაციით, მაშველები, მდინარეში 13 წლის მურმან ფუტკარაძეს ამ დრომდე უშედეგოდ ეძებენ. შემთხვევა გუშინ დაახლებით 17 საათზე მოხდა. მოზარდი თანატოლებთან ერთად ბურთს თამაშობდა, რა დროსაც ბურთი ადიდებულ მდინარეში ჩაუგორდა და მას გადაყვა.
ადგილზე მუშაობენ შუახევის, ხულოს, ქედის ორ-ორი და ქ. ბათუმის ხუთი სახანძრო - სამაშველო ბრიგადა, სულ 60 -ამდე მაშველი. სამძებრო სამუშაოებში ჩართულია აგრეთვე ადგილობრივი მოსახლეობა.
შემთვევის ადგილზე იმყოფება მუნიციპალიტეტის მერი ფრიდონ ფუტკარაძე, ადგილობრივი თვითმმართველობის წარმომადგენლები, შშს შუახევის რაიონული სამმართელოს თანამშრომლები, მობილიზებულია სასწრაფო- სამედიცინო სამსახურის ბრიგადა
(NS)
![]()
ავტორი: ,
epn.ge (@expressnews.ge)
