საქართველოს გარემოსა და ბუნებრივი რესურსების დაცვის სამინისტროსა და ავსტრიის რესპუბლიკის სოფლის მეურნეობის, ტყის, გარემოს და წყლის მართვის ფედერალურ სამინისტროს შორის  გარემოს დაცვის სფეროში თანამშრომლობის შესახებ ურთერთგაგების მემორანდუმი გაფორმდა.

მემორანდუმს ხელი გარემოსა და ბუნებრივი რესურსების დაცვის მინისტრმა გიგლა აგულაშვილმა და  ავსტრიის რესპუბლიკის სოფლის მეურნეობის, სატყეო მეურნეობის,  გარემოს დაცვისა და წყლის მართვის ფედერალურმა  მინისტრმა ანდრე რუპრეხტერმა მოაწერეს.

მხარეთა თანამშრომლობის  პრიორიტეტულ მიმართულებებად  განსაზღვრულია შემდეგი სფეროები: ბიომრავალფეროვნების დაცვა და ბუნებრივი რესურსების მდგრადი გამოყენება; ეროვნული პარკებისა და დაცული ტერიტორიების მდგრადი მართვა; მდგრადი სატყეო მეურნეობა; კლიმატის ცვლილება; ენერგოეფექტურობა,  განახლებადი ენერგიის წყაროები და ტექნოლოგიები; ჰაერის ხარისხი, ჰაერის დაბინძურების მონიტორინგი; წყლის რესურსების ინტეგრირებული მართვა; ნარჩენების მდგრადი მართვა, საწარმოო და სახიფათო ნარჩენების ჩათვლით; გარემოს მონიტორინგი, ინფორმაციის მოძიება და ანგარიშების წარდგენა; ბუნებრივი საფრთხეებისა და რისკების მართვა; ნებისმიერი სხვა სფერო, რომლის თაობაზეც მხარეები მიაღწევენ ურთიერთშეთანხმებას.

მემორანდუმი ასევე ითვალისწინებს გარემოს დაცვის თაობაზე შესაბამისი ინფორმაციისა და დოკუმენტაციის გაცვლას. მეცნიერების, ექსპერტების, მარეგულირებლების და აღნიშნულ სფეროსთან დაკავშირებულ სხვა პირთათვის ერთობლივი სემინარების, სიმპოზიუმების და შეხვედრების ორგანიზებას; 

მემორანდუმის ფარგლებში ექსპერტების, მეცნიერებისა და დელეგაციების ორმხრივი  ვიზიტები გაიმართება.

ურთიერთგაგების მემორანდუმს ხელი მხარეებმა მთავრობის ადმინისტრაციაში მოაწერეს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია