გარემოს დაცვისა და სოფლის მეურნეობის მინისტრმა, ლევან დავითაშვილმა და კავკასიის ბუნების ფონდის აღმასრულებელმა დირექტორმა, ჯორჯ ჯიაკომინიმ დაზღვევის საგრანტო ხელშეკრულებას მოაწერეს ხელი.

ხელშეკრულების მთავარ მიზანს  რეინჯერებისთვის სამუშაო პირობების გაუმჯობესება წარმოადგენს, რაც განსაკუთრებით მნიშვნელოვანია მათი საქმიანობის  სპეციფიკიდან გამომდინარე.

ხელშეკრულების თანახმად, დაცული ტერიტორიების ადმინისტრაციების 530 თანამშრომლისა და რეინჯერის 2018 წლის დაზღვევას კავკასიის ბუნების ფონდი 100 000 ლარით დააფინანსებს. ტერიტორიული ადმინისტრაციების თანამშრომლების მუშაობა მაღალ რისკებთან არის დაკავშირებული. რეინჯერებს ხშირად უწევთ ბრაკონიერებთან ბრძოლა. ისინი 24 საათის განმავლობაში იცავენ ბუნებრივ მემკვიდრეობას. 

გარემოს დაცვისა და სოფლის მეურნეობის მინისტრმა რეინჯერების მუშაობის მნიშვნელობაზე ისაუბრა. 

„დიდი მადლობა გვინდა გადავუხადოთ კავკასიის ბუნების ფონდს მხარდაჭერისთვის. საქართველოს ბუნების დაცვა და ბიომრავალფეროვნების შენარჩუნება ჩვენი მთავრობის ერთ-ერთი მნიშვნელოვანი პრიორიტეტია, რომელიც, ძირითადად, დაცულ ტერიტორიებზე ხორციელდება. დაცული ტერიტორიების სააგენტოს გაძლიერება და ამ მიმართულებით დონორების მხარდაჭერა  ძალიან მნიშვნელოვანია,“ - განაცხადა ლევან დავითაშვილმა.

კავკასიის ბუნების ფონდი სააგენტოს დაზღვევის ხარჯების ნაწილს 2013 წლიდან ფარავს.

(NS)

ავტორი: ,

სოციალური ქსელები

ნაუსედა: ჩვენ გვაქვს სადაზვერვო ინფორმაცია, რომ რუსეთი ლიეტუვის ინფრასტრუქტურაზე თავდასხმებს გეგმავს

დღეს უკრაინის სახელმწიფოებრიობის დღეა - კიევი საერთაშორისო პარტნიორებს მასპინძლობს

ზურა ჯაფარიძეს ავტომობილი დაეჯახა - პოლიტიკოსი კლინიკაშია გადაყვანილი

ქუთაისში, იოსელიანის ქუჩაზე ხარაჩო ჩამოიშალა და მუშა მოიყოლა, ის გარდაიცვალა