თბილისის საკრებულოს რიგგარეშე სხდომაზე დეპუტატებმა დედაქალაქის  2018 წლის ბიუჯეტში შესატანი ცვლილებები დაამტკიცეს.

ბიუჯეტს მხარი საკრებულოს 33 წევრმა დაუჭირა, წინააღმდეგი კი, 5 იყო.

საკითხი დეპუტატებს თბილისის მერის მოადგილემ ირაკლი ხმალაძემ წარუდგინა. ირაკლი ხმალაძის განმარტებით, გაზრდილი ბიუჯეტის დიდი ნაწილი საზოგადოებრივი ტრანსპორტის განვითარებას, კერძოდ, 2018 წელს 100 ახალი ავტობუსის შემოყვანას მოხმარდება. ასევე იზრდება საბავშვო ბაღების რეაბილიტაციისთვის და გამწვანების ღონისძიებებისთვის გამოყოფილი თანხები. შესწორებული ვერსიით თბილისის ბიუჯეტი 35 მილიონი ლარით გაიზარდა და საერთო ჯამში 898 მილიონი ლარი შეადგინა.

დღესვე დეპუტატებმა  შპს „ეკოსერვის ჯგუფის“ და ააიპ „საზოგადოებასთან კომუნიკაციის განვითარების სააგენტოს“ დაფუძნებას, ასევე თბილისის მერიის რამდენიმე საქალაქო სამსახურის დებულებებში შესატან ცვლილებებს მისცეს თანხმობა.

ცვლილება განხორციელდა არქიტექტურის სამსახურის მიერ გაწეული დაჩქარებულ მომსახურების და მასზე დაწესებული საფასურის გადახდის რეგულირების წესშიც.

საკრებულოს წევრებმა დღესვე „დედაქალაქის მიწათსარგებლობის გენერალური გეგმის დამტკიცების შესახებ“ იმსჯელეს და საკრებულოს შესაბამის  დადგენილებაში ცვლილების შეტანას დაუჭირეს მხარი.

რიგგარეშე სხდომაზე  საკრებულოს წევრებმა დედაქალაქის რამდენიმე რაიონში არსებულ მიწის ნაკვეთებზე ინდივიდუალური ერთბინიანი სახლების რეგულირების გეგმის პროექტები დაამტკიცეს და ასევე თბილისში  14 ცენტრალურ ქუჩაზე მიკროავტობუსების გაჩერებისთვის წინასწარ დადგენილი ადგილები განსაზღვრეს. როგორც სხდომაზე აღინიშნა,  წარმოდგენილი რეგულაცია  რუსთავი-თბილისის ხაზზე მოძრავ მიკროავტობუსებზეც გავრცელდა.  

საკრებულოს რიგგარეშე სხდომას დეპუტატებთან ერთად დედაქალაქის მერის მოადგილეები და საქალაქო სამსახურების ხელმძღვანელები ესწრებოდნენ. დღევანდელ სხდომაზე სულ 20 საკითხი განიხილეს.

ავტორი: ,

სოციალური ქსელები

ნაუსედა: ჩვენ გვაქვს სადაზვერვო ინფორმაცია, რომ რუსეთი ლიეტუვის ინფრასტრუქტურაზე თავდასხმებს გეგმავს

დღეს უკრაინის სახელმწიფოებრიობის დღეა - კიევი საერთაშორისო პარტნიორებს მასპინძლობს

ზურა ჯაფარიძეს ავტომობილი დაეჯახა - პოლიტიკოსი კლინიკაშია გადაყვანილი

ქუთაისში, იოსელიანის ქუჩაზე ხარაჩო ჩამოიშალა და მუშა მოიყოლა, ის გარდაიცვალა