საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა სამინისტრომ სტიქიით დაზარალებული ოჯახების განაცხადების შეფასების მეორე ეტაპი დაასრულა.

ამის შესახებ “ექსპრესნიუსს“ ლტოლვილთა და განსახლების სამინისტროდან აცნობეს.
უწყების ცნობით, მინისტრის ბრძანებით შექმნილმა „სტიქიური მოვლენების შედეგად გადაადგილებას დაქვემდებარებული ოჯახების განსახლების საკითხების მარეგულირებელმა კომისიამ“ ეკომიგრანტი ოჯახებისათვის მინიჭებული პირველადი ქულები განიხილა და 35 ოჯახი შეარჩია. 
აღნიშნული ოჯახებისათვის სახლების შესყიდვამდე, ეკომიგრანტთა საკითხების დეპარტამენტი მათ საცხოვრებელ პირობებს ადგილზე გადაამოწმებს. 
„სტიქიური მოვლენების შედეგად გადაადგილებას დაქვემდებარებული ოჯახების განსახლების საკითხების მარეგულირებელმა კომისიის“ მუშაობის პროცესი ღიად და გამჭვირვალედ მიმდინარეობს. კომისიის მუშაობაში ჩართულები არიან  აჭარის ავტონომიური რესპუბლიკის ჯანმრთელობისა და სოციალური დაცვის სამინისტროს, სახალხო დამცველის აპარატის, არასამთავრობო და საერთაშორისოორგანიზაციებისწარმომადგენლები.
პირველ ეტაპზე კომისიის მიერ შერჩეულ იქნა 47 ეკომიგრანტი  ოჯახი, რომლებსაც სამინისტრო საცხოვრებელ ფართს შეუსყიდის.   სტიქიით დაზარალებული ოჯახები განსახლების ადგილსა და საცხოვრებელ სახლს თავისი სურვილის მიხედვით არჩევენ.  
2015 წლის საბიუჯეტო ასიგნებების ფარგლებში,   სამინისტრო  90-მდე ეკომიგრანტ ოჯახს  უსაფრთხო გარემოში საცხოვრებელი სახლით უზრუნველყოფს“, -აღნიშნულია სამინისტროს განცხადებაში.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა