მეტროსაგურ „ვარკეთილში“ ჭერის ჩამონგრევის შედეგად დაშავებული 4 პირი ინგოროყვას კლინიკაშია გადაყვანილი.

როგორც "ექსპრესნიუსს" კლინიკის საზოგადოებასთან ურთიერთობის სამსახურში განუცხადეს, 2 პაციენტის მდგომარეობა მძიმა.

"ჩვენთან 4 დაშავებული მოქალაქე გადმოიყვანეს. ამ ეტაპზე 2 მათგანის ჯანმრთელობის მდგომაროება მძიმა", - აცხადებენ პრესსამსახურში.

ექიმის თქმით, დაშავებულების სიცოცხლეს საფრთხე არ ემუქრება.

"შემოსვლისას გამოხატულია თავის ტვინის, გულ-მკერდის, წელის და ქვედა კიდურის ტრამვები. ამჟამად მიმდინარეობს კვლევები, უტარდებათ სათანადო გამოკვლევა. ამ ეტაპზე არცერთი პაციენტის სიცოცხლეს საფრთხე არ ემუქრება“, - განაცხადა ექიმმა კონსტანტინე მუმლაძემ.

შეგახსენებთ, რომ მეტროსადგურ "ვარკეთილში" ჭერის ჩამონგრვის შედეგად 11 ადამიანი დაშავდა, მათ შორის ერთი სამართალდამცველი. დაშავებულები საავადმყოფოში არიან გადაყვანილი. ადგილზე მაშველებთან ერთად საპატრულო პოლიციის და სასწრაფო დახმარების ჯგუფებია მობილიზებული. ინციდენტის ადგილზე ასევე ქალაქის მერი კახა კალაძე და სამგორის რაიონის გამგებელი დავით კერესელიძე მივიდნენ. მომხდართან დაკავშირებით, გამოძიება სსკ-ის 240-ე მუხლით მიმდინარეობს (უსაფრთხოების წესის დარღვევა სამთო, სამშენებლო ან სხვა სამუშაოს წარმოებისას, რამაც გამოიწვია ჯანმრთელობის ნაკლებად მძიმე ან მძიმე დაზიანება).

ავტორი: ,

სოციალური ქსელები

ტრამპი: ერაყში მეტი ჯარისკაცი არ გვჭირდება

ზელენსკი: თუ პუტინი უკრაინაში წარმატებას მიაღწევს, ახალი ქვეყნების დაპყრობას შეეცდება

ტრამპი: რუსეთის წინააღმდეგ სანქციების კანონპროექტს შესაძლოა ირანი და ჰეზბოლა დაემატოს

რუსეთმა განაცხადა, რომ საქართველო სატვირთო მანქანების გავლას ზემო ლარსის საკონტროლო-გამშვებ პუნქტზე ბლოკავს