2015-05-07 13:33:12, 510 ნახვა
პოლიტიკა
პრეზიდენტმა რიგგარეშე სხდომის მოწვევის თაობაზე განკარგულება გამოსცა
საქართველოს პრეზიდენტმა გიორგი მარგველაშვილმა პარლამენტის რიგგარეშე სხდომის მოწვევის თაობაზე განკარგულება გამოსცა.
როგორც „ექსპრესნიუსს“ პრეზიდენტის ადმინისტრაციიდან აცნობეს, საქართველოს პრეზიდენტმა გამოსცა განკარგულება, რომლის საფუძველზეც, საქართველოს კონსტიტუციის 61-ე მუხლის მე-2 პუნქტის შესაბამისად, საქართველოს პრეზიდენტმა მოიწვია საქართველოს პარლამენტის რიგგარეშე სხდომა 2015 წლის 8 მაისის 13:00 საათიდან.
სხდომაზე დეპუტატები, მინისტრების პოსტებზე დანიშნულ თინა ხიდაშელსა და გიგლა აგულაშვილს პარლამენტის წევრის უფლებამოსილებას შეუწყვეტენ, შემდეგ კი, მთავრობის განახლებულ შემადგენლობას ნდობას გამოუცხადებენ.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
