საგარეო უწყება ირანსა და ერაყში მომხდარ მიწისძვრასთან დაკავშირებით მწუხარებას გამოთქვამს

2017-11-13 16:24:32, 1750 ნახვა

საზოგადოება

საქართველოს საგარეო საქმეთა სამინისტრო ირანსა და ერაყში მომხდარ მიწისძვრასთან დაკავშირებით მწუხარებას გამოთქვამს.

როგორც უწყების მიერ გავრცელებულ განცხადებაშია ნათქვამი, საქართველო ირანელ და ერაყელ ხალხს თანადგომას უცხადებს.

"საქართველოს საგარეო საქმეთა სამინისტრო გამოხატავს ღრმა მწუხარებას 2017 წლის 13 ნოემბერს ირანის ისლამურ რესპუბლიკასა და ერაყის რესპუბლიკაში მომხდარ მძლავრ მიწისძვრასთან დაკავშირებით, რომელმაც იმსხვერპლა მრავალი ადამიანის სიცოცხლე და გამოიწვია ნგრევა, რის შედეგადაც ათასობით ადამიანი დაშავდა.

საქართველოს საგარეო საქმეთა სამინისტრო ამ მძიმე წუთებში თანადგომას უცხადებს ირანელ და ერაყელ ხალხს, უსამძიმრებს გარდაცვლილთა ოჯახებსა და მათ ახლობლებს, დაშავებულებს კი სწრაფ გამოჯანმრთელებას უსურვებს", - ნათქვამია განცხადებაში.

შეგახსენებთ, რომ ირანისა და ერაყის საზღვარზე გუშინ მიწისძვრა მოხდა, რომლის შედეგადაც 350-ზე მეტი ადამიანი დაიღუპა, 4 ათასი ადამიანი კი, დაშავდა.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები