2017-11-05 10:48:21, 1957 ნახვა
საზოგადოება
პატარა ჩაილურში, მთის ფერდობზე გაჩენილი ხანძარი ლიკვიდირებულია
საგარეჯოს მუნიციპალიტეტის სოფ. პატარა ჩაილურში, მთის ფერდობზე, ტყის ქვედა საფარში გაჩენილი ხანძარი ლიკვიდირებულია.
საგანგებო სიტუაციების მართვის სამსახურის ინფორმაციით, ამ დროისათვის, შსს-ს საგანგებო სიტუაციების მართვის სააგენტოს მეხანძრე-მაშველებმა ნახანძრალ ტერიტორიაზე ნიადაგის პრევენციული დამუშავების პროცესი უკვე დაასრულეს და ადგილზე სამონიტორინგო სამუშაოების ჩატარების მიზნით იმყოფებიან.
შინაგან საქმეთა სამინისტროს გადაუდებელი დახმარების ოპერატიული მართვის ცენტრ - „112“-დან ჩაილურის ტყის მიმდებარე ტერიტორიაზე არსებული ხანძრის შესახებ ინფორმაცია სააგენტოში გუშინ შევიდა. შსს-ს მეხანძრე-მაშველთა მოქმედების შედეგად, ტყის მასიურ საფარზე ხანძარი არ გავრცელებულა.
![]()
ავტორი: ,
epn.ge (@expressnews.ge)
