ნუცუბიძის პლატოზე, დაკავების დროს გარდაცვლილი მამაკაცის მეზობლები მომხდარის დეტალებზე საუბრობენ.

ისინი აცხადებდნენ, რომ გარდაცვლილი ნასვამ მდგომარეობაში იყო და პოლიციას სიტყვიერ შეურაცხყოფას აყენებდა.

ერთ-ერთი მეზობლის, ქეთევან თოდრიას თქმით, როდესაც მამაკაცს სამართალდამცველები აკავებდნენ, თქვა, რომ თავს შეუძლოდ გრძნობდა, თუმცა მას არ დაუჯერეს.

„შევესწარით ამ ფაქტს, რომ პოლიცია მას ხელებს უჭერდა, რო ეჯაჯგურებოდნენ თქვა დამანებეთ თავი ცუდად ვარო და ამ ცუდად ყოფნაში შავი იყო სახეზე. ჩვენ ვუყვიროდით რატო მიათრევთ დაანებეთ თავი. იმის მაგივრად სასწრაფო გამოეძახათ, პატრული მიათრევდა. რომ შეხედეს ახალგაზრდა იყო, ჩათვალეს რომ იტყუებოდა, არადა აშკარად შავი იყო სახეზე. ჩვენ გამოვიძახეთ სასწრაფო“, - აცხადებს გარდაცვლილის მეზობელი ქეთევან თოდრია.

კიდევ ერთი პირი, რომელმაც გუშინ ადგილზე პოლიცია გამოიძახა, აცხადებს, რომ გარდაცვლილი პირი ხშირად სვამდა და იღებდა ფსიქოტროპულ წამლებს, რამაც შესაძლოა იმ მომენტში გულზე იმოქმედა და გარდაიცვალა.

მომხდართან დაკავშირებით განცხადება საქართველოს შინაგან საქმეთა სამინისტრომაც გაავრცელა.

გამოძიება სსკ-ის 116-ე მუხლით მიმდინარეობს, რაც გაუფრთხილებლობით სიცოცხლის მოსპობას გულისხმობს.  

ავტორი: ,

სოციალური ქსელები

დემოკრატი სენატორი რუსეთის წინააღმდეგ სანქციების დაწესებას მოუწოდებს „ლინდსი გრეჰემის ხსოვნისადმი“

ირანი აცხადებს, რომ ქუვეითში ამერიკული HIMARS-ის რაკეტმზიდები გაანადგურა

გარემოს ეროვნული სააგენტო -თელავში მოსულმა უხვმა ატმოსფერულმა ნალექმა მდინარე თელავისხევის აუზში ღვარცოფული პროცესების მკვეთრი გააქტიურება გამოიწვია

ზელენსკი უკრაინის პრემიერ-მინისტრს და ძალოვან მინისტრებს ცვლის