უშიშროების საბჭოს მდივნის ირინა იმერლიშვილის განცხადებით, ცენტრალურ აფრიკაში  ბავშვებზე სექსუალურ ძალადობაში ქართელი სამხედროების მონაწილეობაზე ქართულ მხარეს ინფორმაცია არ მიუღია.

მისივე თქმით, საფრანგეთში ამ ეტაპზე მხოლოდ 5 ქართველი სამხედრო იმყოფება.

 „ძირითადი კონტიგენტი იქიდან  მარტში გამოვიდა. ახლა იქ მხოლოდ 5 სამხედრო პირია დარჩენილი.  რაც შეეხება ამ ფაქტს, ქართულ მხარეს არანაირი ოფიციალური შეტყობინება არ მიუღია ნამდვილად. დაწყებულია საერთაშორისო გამოძიება. იმედი მაქვს, ქართველი ჯარისკაცების ამ ფაქტში მონაწილეობა არ დადასტურდება. თუმცა, თუ ქართული მხარე რაიმე შეტყობინებას მიიღებს, ჩვენც აუცილებლად ჩავერთვებით საერთაშორისო გამოძიებაში“, – აღნიშნა იმერლიშვილმა.

ფრანგული მედიის ინფორმაციით,  ცენტრალურ აფრიკაში სამშვიდობო მისიებში მონაწილე ფრანგ და ქართველ სამხედროებს ბავშვებზე სექსუალურ ძალადობაში ადანაშაულებენ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

Marneuli News: დაცვის თანამშრომელი, რომელიც 11 აპრილს სამსახურებრივი უფლებამოსილების შესრულებისას სცემეს, გარდაიცვალა

დიდი შვიდეულის სამიტზე უკრაინის პრეზიდენტი ტრამპსა და რუბიოს შეხვდა

შსს-ს ახალი სამმართველოს საჩივრის საფუძველზე, ნიკა გვარამიას შეურაცხყოფის ფაქტზე, მოქალაქეს 2000-ლარიანი ჯარიმა დაეკისრა

პაპუაშვილი: ახია საფრანგეთზე! როდესაც სხვა ქვეყნების შიდა საქმეებში ერევი, მზად უნდა იყო იმისთვის, რომ შენც ასევე მოგეპყრობიან