ბორჯომის ხეობაში, დაბა წაღვერის მიმდებარედ, მთის ფერდობზე გაჩენილი ხანძარი ლოკალიზებულია.

როგორც "ექქსპრესნიუსს" შინაგან საქმეთა სამინისტროდან აცნობეს, ამ დროისთვის, ადგილზე ხანძრის ღია კერები და დაკვამლიანება არ შეინიშნება.

საგანგებო შტაბმა დღეს საღამოს გამართულ თათბირზე, ხანძრის უმოკლეს დროში ლიკვიდირების მიზნით, ეფექტური გეგმა შეიმუშავა. შინაგან საქმეთა მინისტრის მოადგილე მერაბ მალანია, შსს-ს საგანგებო სიტუაციების მართვის სააგენტოს დირექტორ ნიკოლოზ სირაძესთან და საგანგებო შტაბის სხვა წევრებთან ერთად, ადგილზე რჩება და ხანძრის სალიკვიდაციო სამუშაოებს პირადად ხელმძღვანელობს.

შსს-ს მეხანძრე-მაშველები, შსს-ს განსაკუთრებულ დავალებათა დეპარტამენტის და ეროვნული სატყეო სააგენტოს თანამშრომლები, ათეულობით მაღალი გამავლობის ხანძარსაწინააღმდეგო ტექნიკასთან ერთად, 24-საათიან რეჟიმში განაგრძობენ ცეცხლის ქრობის სამუშაოებს. მიმდინარეობს ნახანძრალი ტერიტორიის პრევენციული დამუშავების პროცესი.

გუშინ, დღის განმავლობაში, ხანძრის სალიკვიდაციო სამუშაოებში ჩართული იყო საქართველოს 1, თურქეთის 2 და აზერბაიჯანის 1 ვერტმფრენი. დღეს, საჰაერო ტექნიკამ 157 აფრენა განახორციელა და ხანძრის კერებს 345 ტონა წყალი დაასხა.

დღეს დილიდან, ხანძრის ადგილზე მომუშავე ცოცხალ ძალას შეუერთდა საჰაერო ტექნიკა, რომელიც ნახანძრალ ტერიტორიას, პრევენციის მიზნით, წყლის ჭავლით კიდევ ერთხელ დაამუშავებს.

ავტორი: ,

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა