საქართველოს თავდაცვის მინისტრმა საქართველოში აშშ-ის თავდაცვის ახალ ატაშეს, პოლკოვნიკ ჯეფ ჰარტმანსა და ელჩის მოადგილეს, ელიზაბეთ რუდს უმასპინძლა.

ლევან იზორიამ მათ ახალ პოზიციაზე დანიშვნა მიულოცა და წარმატებები უსურვა.

გაცნობითი ხასიათის შეხვედრაზე მხარეებმა ორ ქვეყანას შორის თავდაცვის სფეროში არსებული მჭიდრო თანამშრომლობის საკითხები განიხილეს. მინისტრმა ყურადღება საქართველოს მზადყოფნის პროგრამის (GDRP) განხორციელების მნიშვნელობაზე გაამახვილა და ამერიკულ მხარეს მხარდაჭერისთვის მადლობა გადაუხადა: „მიმოვიხილეთ წარმატებული პროექტები, რომელიც ბოლო ერთი წლის განმავლობაში ერთობლივად განვახორციელეთ. მომავალი წლების განმავლობაში ჩვენი მთავარი გეგმა საქართველოს თავდაცვის მზადყოფნის პროგრამის წარმატებით იმპლემენტაცია იქნება. ამ თვალსაზრისით მომავალში ჩვენი თანამშრომლობის კიდევ უფრო გაღრმავებას გავუსვით ხაზი“, - განაცხადა ლევან იზორიამ. 

შეხვედრას საქართველოს შეიარაღებული ძალების გენერალური შტაბის უფროსის პირველი მოადგილე, პოლკოვნიკი ნიკოლოზ ჯანჯღავა დაესწრო.

(NS) 

ავტორი: ,

სოციალური ქსელები

ლექსო ლაშქარავას მკვლელობიდან 5 წელი გავიდა, შემსრულებლები გარეთ არიან, ორგანიზატორები დაუსჯელები

საია: ევროპის საბჭოს კომისარი შეუერთდა საქართველოს „უცხოელი აგენტების“ შესახებ კანონის საქმეს

ჰერჩინსკი - მსოფლიო გამოწვევებთან გამკლავებით, ევროპა მხოლოდ ძლიერდება, საქართველო მათ შორის არ არის

"თეგეტამ" Rainmaking-ისა და Startupbootcamp Georgia-ს ლიდერშიფსერიის პირველ ღონისძიებას უმასპინძლა