საქართველოს წინააღმდეგ 2008 წელს რუსეთის მიერ განხორციელებულმა აგრესიამ მსოფლიო შეძრა, - ასე აფასებს ლიტვის საგარეო საქმეთა სამინისტრო აგვისტოს ომს.

როგორც ლიტვის საგარეო უწყების მიერ გავრცელებულ განცხადებაშია აღნიშნული, "სანამ ომის გამო ასობით ადამიანი იღუპებოდა, რუსეთმა საქართველოს ტერიტორიები წაართვა".

განცხადებაში ასევე ნათქვამია, რომ ლიტვა თანადგომას უცხადებს საქართველოს და მხარს უჭერს ევროკავშირის სამშვიდობო მისიას ოკუპირებულ რეგიონში.

"ომის დასრულებიდან 9 წლის შემდეგ, რუსეთს არ შეუსრულებია ექვსპუნქტიანი სამშვიდობო გეგმა. დღეს აფხაზეთი და სამხრეთ ოსეთი კვლავ ოკუპირებულია რუსეთის მიერ. რუსეთი განაგრძობს ამ რეგიონების მცოცავ ანექსიას, მავთულხლართების აღმართვას და ე.წ. საზღვრით გამოყოფას. საქართველოს ოკუპირებულ რეგიონებთან ხელმოწერილია ე.წ. ხელშეკრულებები მათი შემდგომი სამხედრო ეკონომიკური და სოციალური ინტეგრაციის კუთხით; სისტემატურად ირღვევა ადამიანის უფლებები საქართველოს ამ რეგიონებში და შეუძლებელია საერთაშორისო მონიტორინგის განხორციელება. კიდევ ერთხელ მოვუწოდებთ რუსეთს, შეასრულოს ექვსპუნქტიანი გეგმით გათვალისწინებული ვალდებულებები, შეწყვიტოს საქართველოს სუვერენიტეტის დარღვევა და პატივი სცეს მის ტერიტორიულ მთლიანობას", - ნათქვამია ლიტვის საგარეო საქმეთა სამინისტროს განცხადებაში.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ჰერჩინსკი - მსოფლიო გამოწვევებთან გამკლავებით, ევროპა მხოლოდ ძლიერდება, საქართველო მათ შორის არ არის

"თეგეტამ" Rainmaking-ისა და Startupbootcamp Georgia-ს ლიდერშიფსერიის პირველ ღონისძიებას უმასპინძლა

კახა კალაძე 4 ოქტომბრის საქმეზე მორიგ დაკავებაზე: შესაბამისი საგამოძიებო უწყებები მოწოდების სიმაღლეზე არიან, ყველამ უნდა აგოს პასუხი

კახა კალაძე ელისაშვილის განაჩენზე: როდესაც კანონს ცდები, ყოველთვის მოყვება შესაბამისი რეაგირება