„პრეზიდენტ მარგველაშვილის დღევანდელი განცხადებით კიდევ ერთხელ დასტურდება, რომ  ის არის მთავარი შემკვეთი იმ ეთიკის მიღმა განცხადებების, რომლებიც ადმინისტრაციის მხრიდან კეთდება“,-ასე გამოეხმაურა  „ქართული ოცნების“ თავმჯდომარე მამუკა მდინარაძე  პრეზიდენტ გიორგი მარგველაშვილის  დღევანდელ განცხადებას.

მდინარაძე უმრავლესობის წევრებს მოუწოდებს ნუ წამოეგებიან პროვოკაციულ განცხადებებს.

„ პრეზიდენტ მარგველაშვილის დღევანდელი განცხადებით კიდევ ერთხელ დასტურდება, რომ ის არის მთავარი შემკვეთი და წამახალისებელი იმ ეთიკის მიღმა განცხადებების, რომლებიც მისი ადმინისტრაციის მხრიდან ბოლო დროს კეთდება. ჩვენი გუნდის, უმრავლესობის წევრებს ვთხოვ და მოვუწოდებ, ნუ წამოეგებიან ამ პროვოკაციულ განცხადებებს და შევწყვიტოთ ეს უსარგებლო პოლემიკა. როგორც ჩანს, პრეზიდენტი და მისი ადმინისტრაცია ამით საზრდოობს და ეს მათთვის არის საშუალება გამუდმებით იყვნენ ყურადღების ცენტრში“, -აღნიშნა მდინარაძემ.

ცნობისთვის, საქართველოს პრეზიდენტი გიორგი მარგველაშვილი, მისი საპარლამენტო მდივნის ანა დოლიძის გამოსვლასთან დაკავშირებით, უმრავლესობას პასუხობს.

პრეზიდენტი აღნიშნავს, რომ მას ეამაყება ანა დოლიძისნაირ ადამიანებთან სამშობლოს ემსახუროს. 

როგორც გიორგი მარგველაშვილის განცხადებაშია აღნიშნული, როდესაც ქვეყანაში უამრავი საჭირბოროტო საკითხია გადასაჭრელი, გამოგონილი დაპირისპირებების შექმნა, ხალხისთვის მნიშვნელოვანი დღის წესრიგიდან გაქცევა ახალი არ არის.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

„1000 რაკეტა მზადაა“: ტრამპი, მისი მკვლელობის მცდელობის შემთხვევაში, ირანის განადგურებით იმუქრება

ზელენსკიმ რუსეთისთვის „შორი მოქმედების სარდლობის“ შექმნის შესახებ განაცხადა

ამერიკელმა სენატორები თეთრ სახლთან შეთანხმდნენ რუსეთის წინააღმდეგ „ჯოჯოხეთური სანქციების“ შესახებ კანონპროექტზე

SJP-მ ფორმულას, ტვ პირველისა და პუბლიკას საქმეებზე განგაშის სიგნალი ჩართო