გაეროში ამერიკის შეერტებული შტატების ელჩის ნიკი ჰეილის განცხადებით, ამერიკა მზად არის, საჭიროების შემთხვევაში, ჩრდილოეთ კორეის წინააღმდეგ ძალა გამოიყენოს.

ჰეილიმ ფხენიანის მიერ ბირთვული რაკეტის გამოცდას მკვეთრი სამხედრო ესკალაცია უწოდა და აღნიშნა, რომ აშშ-ი ჩრდილოეთ კორეის წინააღმდეგ ახალი რეზოლუციის შემუშავების საკითხს დააყენებს. გარდა ამისა, მისივე თქმით, აშშ-მა, შესაძლოა, სავაჭრო შეზღუდვები აამოქმედოს. 

„აშშ-ი მზად არის, საკუთარი თავისა და მოკავშირეების დასაცავად ყველა შესაძლებლობა გამოიყენოს. ერთ-ერთი ასეთი შესაძლებლობა გულისხმობს ჩვენს დიდ სამხედრო ძალას, რომელსაც საჭიროების შემთხვევაში გამოვიყენებთ, მაგრამ ახლა გვირჩევნია ამ მიმართულებით არ წავიდეთ“,  - განაცხადა ჰეილიმ.

ამასთან, საფრანგეთის ელჩმა გაერო-ში ასევე მზადყოფნა გამოთქვა, რომ ჩრდილოეთ კორეის წინააღმდეგ ახალ რეზოლუციას მხარი დაუჭიროს, რომელიც სანქციების გამკაცრებისკენ იქნება მიმართული. 

აშშ-ის ელჩმა გაერო-ში ასევე აღნიშნა, რომ აშშ-მა, შესაძლოა, სავაჭრო ურთიერთობა გაწყვიტოს ყველა იმ ქვეყანასთან, რომელიც ჩრდილოეთ კორეასთან სავაჭრო ურთიერთობებს გააგრძელებს. 

შეგახსენებთ, რომ ჩრდილოეთ კორეამ საკონტინენტთაშორისო ბალისტიკური რაკეტა 4 ივლისს წარმატებით გამოსცადა. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუბიო: აშშ ირანისა და ლიბანის მოლაპარაკებებს ერთმანეთისგან მიჯნავს, თუმცა „ირანის ფაქტორს“ აღიარებს

ხოშტარიას მკურნალობაში მისი მკურნალი რევმატოლოგი ჩაერთვება და გასინჯავს

პუტინი გაგლოევს: ოსებს შეუძლიათ იამაყონ თავიანთი წინაპრებით

ცხინვალის „ლიდერის“ მოვალეობის შემსრულებლად რუსეთის მოქალაქე მარატ კამბოლოვი დაინიშნა