მიმდინარე წლის ივლისიდან საქართველოს საავიაციო ბაზარზე ქუვეითის სახელმწიფო ავიაკომპანია “Kuwait Wataniya Airways“ შემოდის. 

კონსულტაციები ავიაკომპანიის მიერ ორ ქვეყანას შორის რეგულარული საავიაციო მიმოსვლის განხორციელების თაობაზე, საქართველო ეკონომიკისა და მდგრადი განვითარების სამინისტროს სამოქალაქო ავიაციის სააგენტოსა და ქუვეითის სახელმწიფოს სამოქალაქო ავიაციის გენერალურ დირექტორატს შორის გაიმართა. 

“Wataniya Airways“ რეგულარულ რეისებს ელ-ქუვეითი - თბილისი - ელ-ქუვეითის საჰაერო ხაზზე განახორციელებს. ფრენები 11 ივლისიდან 29 ოქტომბრამდე, კვირაში სამი სიხშირით, ყოველ ორშაბათს, სამშაბათსა და პარასკევს, Airbus A320 ტიპის საჰაერო ხომალდებით შესრულდება. შესაბამისი ნებართვა სამოქალაქო ავიაციის სააგენტომ დღეს გასცა. 

საქართველოსა და ქუვეითს შორის საჰაერო მიმოსვლის შესახებ შეთანხმებას 2012 წელს მოეწერა ხელი. 2014-2016 წლებში ორი ქვეყნის დედაქალაქებს შორის მრავალჯერად ჩარტერულ რეისებს ქართული ავიაკომპანია „Georgian Airways” ასრულებდა.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ირანის რეჟიმის პრეზიდენტმა მადლობა გადაუხადა ყაველაშვილს აიათოლა ალი ხამენეის დაკრძალვაზე დასწრებისთვის

უკრაინამ იერიში მიიტანა ყუბანში მდებარე ილსკის ნავთობგადამამუშავებელ ქარხანაზე და როსტოვში მდებარე დიდ თავდაცვით ქარხანაზე

ლავროვმა განაცხადა, რომ რუსეთი ომს უკრაინის სრულ კაპიტულაციამდე გააგრძელებს.

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა