2017-06-28 20:15:46, 2431 ნახვა
პოლიტიკა
საქართველოს ჯანი ბუკიკიო ეწვია
ვენეციის კომისიის პრეზიდენტი ჯანი ბუკიკიო ბათუმშია.
მასთან ერთად ბათუმს 40-ზე მეტი ქვეყნის 200-მდე სტუმარი ეწვია, მათ შორის სხვადასხვა ქვეყნის საკონსტიტუციო სასამართლოების მოსამართლეები და თავმჯდომარეები.
ცნობისთვის, პირველად საქართველოს საკონსტიტუციო სასამართლო ევროპის საკონსტიტუციო სასამართლოების მეჩვიდმეტე კონგრესს 28 ივნისიდან - 1 ივლისის ჩათვლით ბათუმში უმასპინძლებს.
კონგრესის საზეიმო გახსნის ცერემონია ხვალ, 11:00 საათზე გაიმართება.
ღონისძიებაზე სიტყვით საქართველოს პრეზიდენტი გიორგი მარგველაშვილი, პრემიერ მინისტრი გიორგი კვირიკაშვილი, პარლამენტის თავმჯდომარე ირაკლი კობახიძე, ვენეციის კომისიის პრეზიდენტი ჯანი ბუკიკიო და სხვა მაღალი რანგის სტუმრები გამოვლენ.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
