საქართველოს კრივის ფედერაციის პრეზიდენტის დავით წიკლაურის განცხადებით, მოკრივე ავთანდილ ხურციძესთან, რომელიც ამერიკაში გუშინ გაემგზავრა დაკავშირება ვერ ხერხდება.

ამასთან წიკლაურია, ამერიკაში ქართველი სპორტსმენების სავარაუდო დაკავების ფაქტს ვერ ადასტურებს, თუმცა ვერც უარყოფს. 

"რაღაც ინფორმაციები ჟონავს ჩვენ საერთო სამეგობროდან. ავთანდილს ვუკავშირდები, თუმცა არ პასუხობს. შეიძლება პატარა გაუგებრობა იყოს. ვესაუბრე ასევე პროფესიული კრივის ფედერაციის ხელმძღვანელს გიორგი კანდელაკს, მათაც არანაირი ინფორმაცია არ აქვთ. თუნდაც იყვნენ დაკავებული ვიმედოვნებ, რომ ეს გაუგებრობაა. უბრალოდ ვფიქრობ იყო გულშემატკივრების შეკრება და ამ გაუგებრობაში მოყვნენ. ვიმედოვნებ, ყველაფერი გაირკვევა. ხურციძე უკვე 3 წელია ამერიკაშია, გადამწყვეტი ბრძოლისთვის ემზადებოდა მსოფლიო ჩემპიონობის დაცვისთვის, ამიტომ იყო იქ. მაყაშვილის შესახებ არ ვიცი. ვინმეს კავშირი ჰქონდა თუ არა კრიმინალთან, ბიზნესმენთან არ ვიცი. არამგონია, მათ კავშირი და მეგობრული ურთიერთობა კრიმინალებთან ჰქონდეთ. ამასთან, თუ დააკავეს კრიმინალზე, ეს ცუდია, ყველა გაემიჯნება და სპორტსმენს აქვს თავისი ადგილი, სპორტსმენი უნდა იყოს სპორტში", - განაცხადა დავით წიკლაურმა.

ცნობისთვის, ნიუ-იორკში დაკავებულ ქართველებს შორის, რომლებიც  აშშ-ის იუსტიციის სამინისტროს ცნობით, რუსულ-ქართული კრიმინალური დაჯგუფების წევრები არიან, შესაძლოა ცნობილი სპორტსმენებიც იყვნენ.

ამერიკის შეერთებული შტატების იუსტიციის სამინისტრომ დაკავებულთა სია გამოაქვეყნა. სიის თანახმად, დაკავებულებს შორის არიან ავთანდილ ხურციძე და ლევან მაყაშვილი, თუმცა ამ დროისთვის დადასტურებული არ არის, საუბარია თუ არა ქართველ სპორტსმენებზე.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რეჟიმის წარმომადგენელი კობახიძე სქროლვა-სქრინვის სამსახურს ოპტიმიზმით უყურებს

კობახიძე ევროსაბჭოს რეზოლუციაზე - აბსურდია ყველაფერი, რაზეც საუბარია რეზოლუციაში, საქართველო არის მოწინავე დემოკრატიის თვალსაზრისით

500 Global in Eurasia-ს მეათე ნაკადის დემო დღე 25 ივნისს გაიმართება

საქართველოს ბანკისა და Emolas Corporation - ის პარტნიორობის ფარგლებში, სამეფო უბნის თეატრი სპექტაკლ „მოახლეებს“ ნიუ იორკის სცენაზე წარადგენს