2015-04-16 14:50:41, 450 ნახვა
პოლიტიკა
საქართველოს და ლატვიის პრეზიდენტებმა თავისუფლების მონუმენტი ყვავილების თაიგულებით შეამკეს
საქართველოს პრეზიდენტის გიორგი მარგველაშვილი ოფიციალური ვიზიტი ლატვიაში გრძელდება.
პრეზიდენტის ადმინისტრაციის პრესსამსახურის ინფორმაციით, მარგველაშვილმა ლატვიელ კოლეგასთან ანდრის ბერზინშსთან ერთად, თავისუფლების მონუმენტს პატივი მიაგო და ყვავილების თაიგულით შეამკო.
ქვეყნის პირველმა პირმა და ქართულმა დელეგაციამ კულტურული ღონისძიებების ფარგლებში 1940-1991 წლების ლატვიის ოკუპაციის მუზეუმიც მოინახულეს. გიორგი მარგველაშვილმა სამახსოვრო ჩანაწერი მუზეუმის საპატიო სტუმართა წიგნში გააკეთა.
საქართველოს პრეზიდენტი ოფიციალური ვიზიტის ფარგლებში დღესვე ლატვიის უნივერსიტეტში საჯარო ლექციას წაიკითხავს და აკადემიური ბიბლიოთეკის დირექტორს ვენტა კოცერეს ღირსების ორდენით დააჯილდოებს.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
