მოსკოვის პოლიციამ 10 წლის ბიჭა დააკავა, რომელიც ქუჩაში ლექსებს ხმამაღლა კითხულობდა, - ამის შესახებ BBC იუწყება.

მედია საშუალების ინფორმაციით, მიუხედავად იმისა, რომ ბიჭი დედინაცვალთან ერთად იყო, ის განყოფილებაში მშობლის გარეშე წაიყვანეს.

ბიჭის მამა ილია სკავრონსკი აცხადებს, რომ ბავშვი დედინაცვალთან ერთად ქუჩაში სეირნობდა, რა დროსაც უილიამ შექსპირის "ჰამლეტის" კითხვა ხმამაღლა დაიწყო.

"ჩემ შვილს პოლიცია მიუახლოვდა, მეუღლე კი, რამდენიმე მეტრის მოშორებით იყო. სამართალდამცველებმა საკუთარი თავი არ წარადგინეს. ბავშვს რაღაცას ელაპარაკებოდნენ. ამის შემდეგ ხელები გაუკოჭეს, ამის ამსახველი ვიდეო მასალაც არის. ამ დროს ჩემი მეუღლეც მივიდა, ცდილობდა ბავშვს დახმარებოდა, მაგრამ ამაოდ. საბოლოო ჯამში კი მას ტანსაცმელი გაუხიეს", - განაცხადა ბიჭის მამამ.

მისივე თქმით, პოლიცია დაკავების დროს ძალიან უხეშად იქცეოდა და უცენზურო სიტყვებს იყენებდა.

სოციალურ ქსელში გავრცელებულ ვიდეოში პოლიციის მხრიდან ძალის გადამეტებაა ასახული. ბავშვი სამართალდამცველებს სთხოვს, თავი დაანებონ, თუმცა პოლიციის ავტომობილში ძალის გამოყენებით ჩასვეს და განყოფილებაში გადაიყვანეს.

დაკავებული ბავშვის მამამ განმარტა, რომ მისი შვილი თეატრალურ  კოლეჯში სწავლობს და პერიოდულად ქუჩაში ლექსებს და სპექტაკლების ამონარიდებს კითხულობს.

თვითმხილველების თქმით, 7 მაისს გავრცელდა ვიდეო სადაც აღნიშნული ბიჭი "ჰამლეტს" კითხულობდა. ის ქუჩის არტისტია და შესაბამისად მას ხანდახან ფულსაც აძლევენ, თუმცა უსახლკარო არ არის.

როგორც BBC წერს, 10 წლის ბიჭი იმავე დღეს, გვიან ღამით გაათავისუფლეს, მას შემდეგ რაც განყოფილებაში მამამისი და ადვოკატი მივიდნენ.

ცოტა ხნის შემდეგ ადგილობრივმა პოლიციამ ბავშვის მამას ბოდიში მოუხადა. ადვოკატის ინფორმაციით, აღნიშნულ ფაქტთან დაკავშირებით შიდა გამოძიება დაიწყება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რეჟიმის წარმომადგენელი კობახიძე სქროლვა-სქრინვის სამსახურს ოპტიმიზმით უყურებს

კობახიძე ევროსაბჭოს რეზოლუციაზე - აბსურდია ყველაფერი, რაზეც საუბარია რეზოლუციაში, საქართველო არის მოწინავე დემოკრატიის თვალსაზრისით

500 Global in Eurasia-ს მეათე ნაკადის დემო დღე 25 ივნისს გაიმართება

საქართველოს ბანკისა და Emolas Corporation - ის პარტნიორობის ფარგლებში, სამეფო უბნის თეატრი სპექტაკლ „მოახლეებს“ ნიუ იორკის სცენაზე წარადგენს