სახალხო დამცველ უჩა ნანუაშვილის განცხადებით, ბევრ კითხვას აჩენს ის ფაქტი, რომ ყოფილი მთავარი პროკურორი ოთარ ფარცხალაძე დაუყოვნებლივ არ დაიკითხა

როგორც ნანუაშვილმა ჟურნალისტებს  განუცხადა, ომბუდსმენის აპარატმა ფარცხალაძე-თორდიას საქმის შესწავლა საკუთარი ინიციატივით დაიწყო.

„ფარცხალაძის დაკითხვა მხოლოდ გუშინ მოხდა და ბევრ კითხვას აჩენს ის, თუ რატომ არ მოხდა დაუყოვნებლივ მისი დაკითხვა. როცა ერთ-ერთი კონსტიტუციური ორგანოს ხელმძღვანელი განცხადებას აკეთებს, ვფიქრობ, რომ ამ განცხადებაზე რეაგირება დაუყოვნებლივ უნდა მომხდარიყო. ჩვენ გამოძიებას თვალ-ყურს მივადევნებთ. ძალიან ბევრ საკითხზე ინფორმაცია ცოტა ხანში გვექნება და ბევრ კითხვას პასუხი გაეცემა. იმედი მაქვს, ეს გამოძიება გონივრულ ვადაში დასრულდება, თუ რა თქმა უნდა, ეს გამოძიება არ დასრულდა და კიდევ ერთი გაწელილი საქმე არ მივიღეთ. დღის წესრიგში სხვა ფორმატში ამ საქმის შესწავლის აუცილებლობა დგება. მათ შორის, შესაძლოა, დროებითი საპარლამენტო საგამოძიებო კომისიის შექმნა იყოს. ვფიქრობ, რომ ჯერ გამოძიებას კიდევ რამდენიმე დღე უნდა მივცეთ“, - განაცხადა ნანუაშვილმა.

შეგახსენებთ, სახელმწიფო აუდიტის სამსახურის ხელმძღვანელი ლაშა თორდია აცხადებს, რომ 13 მაისს, შარდენის ქუჩაზე მდებარე ღამის კლუბ „ელ ცენტროში“, ყოფილი მთავარი პროკურორი ოთარ ფარცხალაძე და მისი თანმხლები პირები თავს დაესხნენ. ლაშა თორდია მომხდარს მის მიერ სამსახურებრივი მოვალეობის შესრულებას უკავშირებს.

ოთარ ფარცხალაძე გუშინ ძველი თბილისის პირველ სამმართველოში დაახლოებით, 4 საათის განმავლობაში იკითხებოდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს

მოქალაქეების 71% მხარს უჭერს ქვეყნის ევროკავშირში გაწევრიანებას, თუმცა 49% მიიჩნევს, რომ საქართველო ევროინტეგრაციის პროცესში არასწორი მიმართულებით მიდის

ლელო: სააკაშვილის განცხადება პოლიტიკური განხეთქილების შექმნის მცდელობაა

ნავროცკიმ ზელენსკის მიმართა „თეთრი არწივის“ სკანდალის ფონზე