2017-05-16 15:04:26, 2046 ნახვა
პოლიტიკა
კონსტიტუციური ცვლილებების განხილვა თბილისში თვის ბოლოს რაიონების მიხედვით გაიმართება
კონსტიტუციური ცვლილებების საყოველთაო სახალხო განხილვა თბილისში რაიონების მიხედვით თვის ბოლოსთვის გაიმართება.
ამის შესახებ პარლამენტის თავმჯდომარე ირაკლი კობახიძემ დღევანდელ ბრიფინგზე აღნიშნა.
კერძოდ, დედაქალაქში რაიონების მიხედვით 10 შეხვედრის ჩატარება იგეგმება.
"გვექნება საშუალება, საზოგადოებას ვესაუბროთ ცვლილებებთან დაკავშირებით. ეს იქნება სათანადოდ უზრუნველყოფილი. ამაზე პასუხისმგებელია ხელისუფლება",-აღნიშნა კობახიძემ.
მან არ დააკონკრეტა, რა ფორმით იქნება უსაფრთხოება უზრუნველყოფილი.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
