მოსკოვში სამართალდამცველებმა პეტერბურგის მეტროპოლიტენში განხორციელებული ტერაქტის სავარაუდო ორგანიზატორი დააკავეს, - ამის შესახებ რუსული მედია ფედერალური უსაფრტხოების სამსახურზე დაყრდნობით იუწყება.

მედია საშუალების ინფორმაციით, დაკავებული წარმოშობით ცენტრალური აზიიდან არის. აბრორ აზიმოვი გუშინ, პოდმოსკოვიეს ოდინცოვსკის რაიონში დააკავეს. ამასთან, პეტერბურგში ასევე თვითმკვლელი ტერორისტის ჯალილოვის 6 სავარაუდო თანამზრახველი დააკავეს. ჩხრეკისას მათ ასაფეთქებელი მოწყობილობები აღმოაჩინეს.

მედიის ცნობით, ხვალ აზიმოვის სასამართლო პროცესი გაიმართება. 

შეგახსენებთ, რომ 3 აპრილს პეტერბურგის მეტროში აფეთქებას 14 ადამიანის სიცოცხლე ემსხვერპლა, 50 მგზავრი კი დაშავდა. რუსეთის ხელისუფლებამ მომხდარს ტერაქტის კვალიფიკაცია მიანიჭა. პასუხისმგებლობა მომხდარზე ჯერ არცერთ ტერორისტულ დაჯგუფებას არ აუღია. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს

მოქალაქეების 71% მხარს უჭერს ქვეყნის ევროკავშირში გაწევრიანებას, თუმცა 49% მიიჩნევს, რომ საქართველო ევროინტეგრაციის პროცესში არასწორი მიმართულებით მიდის

ლელო: სააკაშვილის განცხადება პოლიტიკური განხეთქილების შექმნის მცდელობაა

ნავროცკიმ ზელენსკის მიმართა „თეთრი არწივის“ სკანდალის ფონზე