გერმანიის ქალაქ დორტმუნდში 3 აფეთქება მოხდა, - ამის შესახებ BBC იუწყება.

მედია საშუალების ინფორმაციით, თავდასხმის სამიზნე საფეხბურთო კლუბი დორტმუნდის „ბორუსია“ აღმოჩნდა. 

როგორც BBC წერს, გზაზე დამონტაჟებული სამივე ასაფეთქებელი მოწყობილობა იმ დროს ამოქმედდა, როდესაც ფეხბურთელთა ნაკრები ავტობუსით ჩემპიონთა ლიგის მატჩზე მიდიოდა. 

შემთხვევის შედეგად მსუბუქად, ხელის არეში 26 წლის ფეხბურთელი მარკ ბარტრა დაშავდა, რომელიც საავადმყოფოში გადაიყვანეს, თუმცა მალევე გაწერეს. 

გამოძიების პირველადი ვერსიით, შეიძლება ითქვას, რომ საქმე ეხება ძალიან სერიოზულ ასაფეთქებელ მოწყობილობას. სამართალდამცველებმა ადგილზე წერილიც იპოვეს, თუმცა ამ ეტაპზე მისი ავთენტურობა დადასტურებული არ არის. პოლიცია არ ასაჯაროებს მის შინაარსაც. 

ცნობისთვის, აფეთქების გამო დორტმუნდის „ბორუსია“ - „მონაკოს" თამაში 12 აპრილისთვის გადაიდო. საფეხბურთო მატჩი ადგილობრივი დროით 18:45 საათზე გაიმართება. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ნავროცკიმ ზელენსკის მიმართა „თეთრი არწივის“ სკანდალის ფონზე

ღობის საქმის მოსამართლე: თქვენ ყველანი პატიოსანი ადამიანები ხართ, მაგრამ კანონი დაარღვიეთ

ევროპის საბჭოს საპარლამენტო ასამბლეის რეზოლუციის პროექტში საქართველოში დემოკრატიის უკუსვლაზეა საუბარი

უკრაინის შეიარაღებულმა ძალებმა ვორონეჟში რაკეტსაწინააღმდეგო ნახევარგამტარების ქარხანაზე იერიში მიიტანეს