2017-04-07 19:03:27, 2521 ნახვა
მსოფლიო
სტოკჰოლმში მომხდარი სავარაუდო ტერაქტის შედეგად დაღუპულთა რიცხვი გაიზარდა
სტოკჰოლმში მომხდარი სავარაუდო ტერაქტის შედეგად დაღუპულთა რიცხვი 5-მდე გაიზარდა, - ამის შესახებ The Telegraph-ი იუწყება.
დაუდასტურებელი ინფორმაციით, მსხვერპლი შესაძლოა უფრო მეტი იყოს. ინციდენტის დროს 8 ადამიანი დაშავდა.
როგორც The Telegraph-ი წერს, მომხდართან დაკავშირებით ერთი ადამიანია დაკავებული.
ამასთან, პოლიციამ ცენტრალურ სადგურზე მეტროს ხაზები დახურა.
შვედეთის პრემიერ მინისტრმა სტეფან ლოვემ მომხდარს ტერაქტი უწოდა.
სამართალდამცველები მოსახლეობას მოუწოდებენ, გარეთ გასვლისგან თავი შეიკავონ.
შეგახსენებთ, ცოტა ხნის წინ სტოკჰოლმის ცენტრალურ უბანში სატვირთო ავტომობილი ხალხს დაეჯახა.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
