საქართველოს მოქალაქეებს აღარ დასჭირდებათ ვიზა, იმისათვის, რომ მოკლევადიანი ვიზიტით ევროკავშირის ქვეყნებში იმოგზაურონ, - ამის შესახებ ევროკავშირის საბჭოს განცხადებაშია აღნიშნული.

საბჭოს გამოხმაურებას თან ახლავს ვიდეორგოლი, რომელშიც საუბარია იმაზე, თუ რა კრიტერიუმები უნდა დააკმაყოფილოს ევროკავშირის არაწევრმა ქვეყანამ იმისთვის, რომ ვიზალიბერალიზაცია მიიღოს.

"დღეიდან საქართველოს მოქალაქეებს მოკლევადიანი ვიზიტისათვის ვიზა აღარ დასჭირდებათ. მადლობა ახალ რეგულაციას, რომელიც დღეს შევიდა ძალაში", - ნათქვამია ევროკავშირის საბჭოს კომენტარში.

შეგახსენებთ, რომ დღეიდან, საქართველოს მოქალაქეებს ევროკავშირის წევრ ქვეყნებში-შენგენის ზონაში, უვიზოდ მიმოსვლა შეუძლიათ.

უვიზო მიმოსვლის ამოქმედებას ხელი ევროკავშირმა 2 მარტს მოაწერა, ხოლო 8 მარტს შესაბამისი საბუთი ევროპარლამენტის ოფიციალურ ჟურნალში გამოქვეყნდა. იქამდე, ევროპარლამენტმა საქართველოსთვის ვიზალიბერალიზაციას 2 თებერვალს ხმათა უმრავლესობით მხარი დაუჭირა. ევროპული პარლამენტის 553 დეპუტატმა უვიზო მიმოსვლას მხარი დაუჭირა, 66 კი წინააღმდეგი იყო. საბოლოო ცვლილება რეგულაციაში, რომელიც საქართველოს მოქალაქეებისთვის ევროკავშირის წევრ ქვეყნებში უვიზო მიმოსვლის შემოღებას ითვალისწინებს, ევროსაბჭომ 27 თებერვალს დაამტკიცა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მთავრობამ რუსეთიდან დიზელის საწვავის ექსპორტი აკრძალა, ბენზინისა და თვითმფრინავის საწვავის შემდეგ

ნატოს ქვეყნები ორი წლის განმავლობაში უკრაინას 140 მილიარდი ევროს ოდენობის დახმარება გამოუყოფენ

ყოფილმა მთავარსარდალმა ზალუჟნიმ მოსაზრებას, რომ რუსეთმა ომი წააგო, „სახიფათო და არასწორი“ უწოდა

სააპელაციომ მკვლელობის მცდელობაში ბრალდებულს 17 წლით პატიმრობა მიუსაჯა