პრეზიდენტის უფლებამოსილებებთან დაკავშირებით ზოგიერთ საკითხზე ძალიან მწვავე დისკუსიები გაიმართა, - ამის შესახებ საკონსტიტუციო კომისიის წევრმა ვახუშტი მენაბდემ სხდომის დასრულების შემდეგ, ჟურნალისტებს განუცხადა.

როგორ მენაბდემ აღნიშნა, საკონსტიტუციო კომისიამ იმსჯელა აღნიშნული სამსახურების კონსტიტუციონალიზაციაზე და ამ შემთხვევაში პრეზიდენტის უფლებამოსილებების გაზრდაზე.

"საბოლოოდ ჩვენ გვაქვს ვარიანტი, რომლითაც გარკვეული უფლებამოსილებები პრეზიდენტს შეუმცირდება, თუმცა უფლებამოსილებები, რომელიც დაკავშირებულია შეწყალებასთან, თანამდებობებზე გამწესებასთან შენარჩუნებულია და ზოგიერთ შემთხვევაში ჩვენ ვმუშაობთ იმ მიმართულებით, რომ პრეზიდენტის უფლებამოსილება გაიზარდოს. მაგალითად, საუბარი იყო სტატისტიკის ეროვნულ სამსახურზე და ანტიმონოპოლიურ სამსახურზე, რომლის კონსტიტუციონალიზაცია შეიძლება მოხდეს და ამ შემთხვევაში შემოთავაზებულია ვერსია, რომლის მიხედვითაც პრეზიდენტი წარადგენს მათ ხელმძღვანელებს. დღევანდელი განხილვის დროს ამის საწინააღმდეგო მოსაზრებები არ დაფიქსირებულა, თუმცა მხარდამჭერი მოსაზრებები მე მოვისმინე. ამიტომ მრჩება შთაბეჭდილება, რომ ამ საკითხს პერსპექტივა აქვს და ეს იქნება პრეზიდენტის უფლებამოსილებების გაზრდა კომპლექტაციის თვალსაზრისით“, - განაცხადა ვახუშტი მენაბდემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

უპასუხისმგებლო და უნიჭო ცინიზმი - კირცხალიას გახარიას გუნდში უპასუხეს

ირაკლი კირცხალია - სენეგალში, დეპუტატმა ფეხმძიმე კოლეგას ჩაარტყა ფეხი - ბატონმა გიგა ფარულავამ წარმოადგინოს ორსულობის შესახებ ცნობა

Sky: პრინც ჰარის ბუკინგემის სასახლეში დარჩენის შესაძლებლობა ჩამოერთვა

ბაზისბანკის და საბვეის გემრიელი, ჯანსაღი და საიმედო პარტნიორობა