საქართველოს ეკონომიკისა და მდგრადი განვითარების სამინისტროს  სსიპ საქართველოს ინოვაციების და ტექნოლოგიების სააგენტოს  ირანში ვიზიტის ფარგლებში,  ქალაქ იაზდის სამეცნიერო და ტექნოლოგიურ პარკში  ირანულ-ქართული ტექნოლოგიური გადაცემის ცენტრი გაიხსნა.

 როგორც „ექსპრესნიუსს“ ინოვაციების სააგენტოდან აცნობეს, სტარტაპებს, რომლებსაც სურთ ირანის 80 მილიონიან ბაზარზე შესვლა, აღნიშნული ცენტრის სამუშაო სივრცედ გამოყენების შესაძლებლობა ეძლევათ.

მათივე ინფორმაციით, ვიზიტის ფარგლებში ასევე, საააგენტომ, სამომავლო თანამშრომლობის განსახილველად, შეხვედრები  გამართა იაზდის სამეცნიერო და ტექნოლოგიურ პარკში არსებულ ბიოტექნოლოგიების ლაბორატორიასთან  IT და ტექნოლოგიურ კომპანიებთან, მეცნიერების სამინისტროს წარმომადგენლობასა და სამეცნიერო და ტექნოლოგიური პარკის ხელმძღვანელობასთან.

მრგვალი მაგიდის ფორმატში, სააგენტომ  საქართველოს საინვესტიციო გარემო გააცნო ირანულ კომპანიებს, რომლებიც დაინტერესებულნი არიან საქართველოში წარმომადგენლობის გახსნით.

ვიზიტის მიზანია ქვეყნებს შორის თანამშრომლობის გაღრმავება, რომელიც ითვალისწინებს საქართველოში ინოვაციების და ტექნოლოგიების განვითარებას,  სტარტაპების ხელშეწყობას და მათ ირანის 80 მილიონიან ბაზარზე დამკვიდრებას.

აღნიშნული თანამშრომლობა ხელს შეუწყობს ქართველ სტარტაპებს შესვლასა და საკუთარი ბიზნესის განვითარებაში.

შეგახსენებთ,  ირანში ვიზიტისას  სააგენტოსა და  იაზდის სამეცნიერო და  ტექნოლოგიურ პარკს შორის ურთიერთთანამშრომლობის მემორანდუმი გაფორმდა, რომლის მთავარ საგანს წარმოადგენს  ორ ქვეყანას შორის თანამშრომლობის გაღრმავება სტარტაპების, ინოვაციებისა და ტექნოლოგიების განვითარების მიზნით.

(NS) 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

„ჩვენ გვჭირდება შემაკავებელი ორდერი“- ტრამპი მელონის კიდევ ერთხელ დასცინის

ლუკაშენკო: ბელარუსს ბრძოლა არ სურს, მაგრამ მტრის წინაშე თავს არ დახრის

სკოლებში ქიმიის სწავლება მე-7 კლასიდან დაიწყება, გაიყოფა ქართული ენისა და ლიტერატურის საგანი

ერდოღანი და ტრამპი უკრაინასთან დაკავშირებით თურქეთის ინიციატივებს განიხილავენ