სტრასბურგის სასამართლოში საქართველოს შინაგან საქმეთა ყოფილი მინისტრის ვანო მერაბიშვილის საქმესთან დაკავშირებით გადაწყვეტილება მოგვიანებით გამოცხადდება, - ამის შესახებ ინფორმაციას იუსტიციის სამინისტრო ავრცელებს.

"სტრასბურგის სასამართლოში ი. მერაბიშვილის საქმის ხელახალი განხილვა დღეს დაიწყო. ეს საქმე დიდ პალატას განსახილველად მთავრობის მიერ პალატის გადაწყვეტილების გასაჩივრების შედეგად გადაეცა. ამიტომაც ის განიხილება მხარეების უშუალო მონაწილეობით ზეპირი სხდომის ფარგლებში, რომელიც თბისლისის დროით 12 საათზე დაიწყო.

ამ დროისათვის დასრულებულია მხარეების გამოსვლა დიდი პალატის 17 მოსამართლის წინაშე (30-30 წუთი) და ასევე მხარეების დამაზუსტებელი გამოსვლა (10-10 წუთი). სხდომა დაიხურა. გადაწყვეტილება მოგვიანებით გამოცხადდება", - ნათქვამია უწყების მიერ გამოქვეყნებულ განცხადებაში. 

შეგახსენებთ, რომ ადამიანის უფლებათა ევროპული სასამართლო საქართველოს მთავრობის სარჩელს განიხილავს. იუსტიციის სამინისტრომ ვანო მერაბიშვილის საქმეზე სტრასბურგის სასამართლოს 7 მოსამართლისგან შემდგარი პალატის 2016 წლის 14 ივნისის გადაწყვეტილება გაასაჩივრა. მაშინ მერაბიშვილის სარჩელი ნაწილობრივ დაკმაყოფილდა - ევროპული კონვენციის ორი მუხლის დარღვევა დადგინდა. გადაწყვეტილებაში ნათქვამია, რომ მერაბიშვილის პატიმრობა კანონიერი იყო, მაგრამ კითხვის ნიშანი მისი საკნიდან სავარაუდო გაყვანის (2013 წლის 14 დეკემბერი) საქმეზე გაჩნდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ლუკაშენკო: ბელარუსს ბრძოლა არ სურს, მაგრამ მტრის წინაშე თავს არ დახრის

სკოლებში ქიმიის სწავლება მე-7 კლასიდან დაიწყება, გაიყოფა ქართული ენისა და ლიტერატურის საგანი

ერდოღანი და ტრამპი უკრაინასთან დაკავშირებით თურქეთის ინიციატივებს განიხილავენ

მთავრობამ კვების ობიექტებისთვის პლასტმასის ერთჯერადი კონტეინერებისა და ჭიქებით სურსათის მიწოდების აკრძალვის ამოქმედება გადაავადა