სამაუწყებლო კომპანია „რუსთავი 2“-ის მხარდამჭერი აქცია, ტელევიზიის ეზოში მშვიდ ვითარებაში გრძელდება.

ადგილზე ტელეკომპანიის მხარდამჭერები და პოლიტიკური პარტიების წარმომადგენლები იმყოფებიან.  

როგორც „ევროპული საქართველოს“ ერთ-ერთმა ლიდერმა დავით ბაქრაძემ ჟურნალისტებს განუცხადა, ისინი არავის მისცემენ საშუალებას, რომ „რუსთავი 2“-ის შენობაში შევიდნენ.

„ჩვენ ვართ და ვიქნებით „რუსთავი 2“-ის ოფისის წინ, რომ არავის მივცეთ საშუალება ფიზიკურად შევიდეს ოფისში და ფიზიკურად განახორციელოს ის უკანონობა, რომლიც გუშინ სასამართლომ გამოიტანა. რაც შეეხება პროტესტის დანარჩენ ფორმებს, ჩვენ გვექნება შიდაპარტიული კონსულტაციები, გვექნება კონსულტაციები სამოქალაქო საზოგადოებასთან, სხვა პარტიებთანაც.  ის რაც დღეს ხდება  ეს არ არის პარტიული თემა, ეს  არ არის ერთი ან ორი პარტიის თემა, ეს არის გამოწვევა საზოგადოების მიმართ. ჩვენ როგორც საზოგადოების ნაწილი ვიმოქმედებთ საზოგადოების სეგმენტებთან ერთად“,-განაცხადა დავით ბაქრაძემ.

ცნობისთვის, გუშინ უზენაესმა სასამართლომ  „რუსთავი 2“ ბიზნესმენ ქიბარ ხალვაშს მიაკუთვნა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

თურქეთში ნატოს სამიტის წინ ჟურნალისტებისა და მასწავლებლების მასობრივი დაპატიმრებები მოხდა

ერთი ზეიმი, განსხვავებული კრიტიკა: კლინტონი, ბუში და ობამა აშშ-ში დემოკრატიის კრიზისზე საუბრობენ

როიტერი: ტრამპი ზელენსკის თურქეთში ნატოს სამიტის ფარგლებში შეხვდება

საწვავის კრიზისის ფონზე, ტრანსბაიკალიის მაცხოვრებლებს ჩინეთში საწვავის შევსებას სთავაზობენ.