პრეზიდენტის მიერ უზენაესი სასამართლოს მოსამართლეობის კანდიდატების წარდგენის უფლებამოსილება შესაძლოა კონტრასიგნაციას დაექვემდებაროს. 

საპარლამენტო უმრავლესობის წევრის ეკა ბესელიას განცხადებით, აღნიშნულის თაობაზე მოსაზრება სახელმწიფო საკონსტიტუციო კომისიის სამუშაო ჯგუფში გამოითქვა, თუმცა საბოლოო გადაწყვეტილება მიღებული ჯერ არ არის. 

მისივე თქმით, პირადად აღნიშნულ საკითხს სისტემაში უყურებს, რომ “არ დარჩეს ფუნქციები აღრეული და ის ხელისუფლების სამ შტოს შორის გადანაწილდეს.“ 

"ჩვენ უფლებების ჭრილში სისტემურად ვუყურებთ საკითხს. როცა პრეზიდენტი აღმასრულებელი ხელისუფლების მეთაური იყო, გასაგები იყო, რომ ის იმ სისტემაში თავსებადი იყო, მაგრამ მას შემდეგ, რაც პრეზიდენტი მთავრობის მეთაური აღარ არის და მთავრობის მეთაურია პრემიერია, უფლებების გადანაწილება უნდა დავინახოთ სწორედ ხელისუფლების სამ შტოს შორის განაწილების სისტემაში. აქედან გამომდინარე, შეიძლება მოხდეს გარკვეული კორექტირების შეტანა“, - აღნიშნა ბესელიამ. 

ცნობისთვის, პარლამენტში სახელმწიფო საკონსტიტუციო კომისიის მორიგი სხდომა მიმდინარეობს. სხდომაზე ადამიანის ძირიტადი უფლებებისა და თავისუფლების, სასამართლო ხელისუფლების, ზოგადი და გარდამავალი დებულებების საკითხებს განიხილავენ. სხდომას საპარლამენტო უმრავლესობის, უმცირესობის და არასამთავრობო სექტორის წარმომადგენლები ესწრებიან. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კალაძე: ელენე ხოშტარიას მინდა, მალე გამოჯანმრთელება ვუსურვო

ევროპარლამენტში გაფართოების საკითხებზე იმსჯელებენ - ევროსკოპის ინფორმაციით, შეხვედრაზე ქართული დელეგაცია არ იქნება

სასამართლომ 4 ოქტომბრის მოვლენებზე ბრალდებული 7 პირი დამნაშავედ ცნო, პატიმრობა მიესაჯათ

„გაიარე მეტი უსაფრთხოდ“ - „თეგეტა მოტორსის“ საგზაო უსაფრთხოების კამპანია სკოლებში