ამერიკის შეერთებული შტატების პრეზიდენტის დონალდ ტრამპის განცხადებით, მან ნაციონალური უსაფრთხოების საკითხებში მრჩევლად გენერალი ჰერბერტ რეიმონდ მაკმასტერი დანიშნა, - ამის შესახებ BBC იუწყება. 

მედია საშუალების ინფორმაციით, მაკმასტერი შეერთებული შტატების არმიაში, სხვადასხვა ხელმძღვანელ პოზიციებზე მსახურობდა, მონაწილეობდა ავღანეთის და ერაყის ოპერაციებში.

მედიის ცნობით, გენერალი კელოგი, რომელიც ამ თანამდებობიდან მაიკლ ფლინის გადადგომის შემდეგ დროებით მრჩევლის მოვალეობას ასრულებდა, აშშ-ის ეროვნული უსაფრთხოების საბჭოს აპარატს უხელმძღვანელებს.

შეგახსენებთ, რომ მაიკლ ფლინი აშშ-ის პრეზიდენტის მრჩევლის თანამდებობიდან 14 თებერვალს გადადგა. ფლინმა აღიარა, რომ თეთრ სახლს არასრული ინფორმაცია მიაწოდა აშშ-ში რუსეთის ელჩთან სერგეი კისლიაკთან კონტაქტების შესახებ, რის გამოც პრეზიდენტ ტრამპს ბოდიში მოუხადა და თანამდებობა დატოვა. ტრამპმა მისი განცხადება დააკმაყოფილა. მოგვიანებით, ფლინმა განაცხადა, რომ კისლიაკთან არა სანქიცებს, არამედ აშშ-დან 35 რუსი დიპლომატის გაძევების საკითხს განიხილავდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რეჟიმი გეგმავს მოქალაქეთა პირადი ცხოვრება აკონტროლოს, უცხოელზე დაქორწინებას კომისია შეისწავლის

ბოკუჩავა - ენმ-ს გარე აუდიტი არ სჭირდება იმის აღსაქმელად, რომ მძიმე გამოწვევების წინაშე ვდგავართ

თუ სიჩქარის მცირედი გადაჭარბება იქნება, მძღოლი 50 ლარით დაჯარიმდება, ჯარიმები გაიზრდება - დარახველიძე

საქართველოში შექმნილია სასათბურე პირობები ირანის ტერორისტული რეჟიმის ქსელისთვის – დროა