2017-02-14 11:32:08, 1445 ნახვა
საზოგადოება
„თბილისი ცენტრალთან“ არასრულწლოვანი მოკლეს
"თბილისი ცენტრალის" მიმდებარე ტერიტორიაზე, ავტობუსის გაჩერებასთან დღეს ღამით მკვლელობა მოხდა.
არსებული ინფორმაციით, 17 წლის ახალგაზრდებს შორის დაპირისპირება მოხდა. არასრულწლოვანს ჭრილობა ცივი იარაღით ყელის არეში მიაყენეს. ექიმებმა მისი გადარჩენა ვერ შეძლეს.
როგორც "ექსპრესნიუსს" შინაგან საქმეთა სამინისტროში განუცხადეს, მკვლელობა ცხელ კვალზეა გახსნილი და არასრულწლოვანი პირია დაკავებული.
უწყების ინფორმაციით, გამოძიება სსკ-ის 108-ე მუხლით მიმდინარეობს, რაც განზრახ მკვლელობას გულისხმობს.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
