მიხეილ ჯანელიძე აშშ-ის სახელმწიფო მდივანს რექს ტილერსონს შეხვდება

2017-02-09 09:35:55, 1184 ნახვა

საზოგადოება

საქართველოს საგარეო საქმეთა მინისტრის მიხეილ ჯანელიძის სამუშაო ვიზიტი ამერიკის შეერთებულ შტატებში დღეს დაიწყო.

9-10 თებერვალს ვიზიტის ფარგლებში მინისტი შეხვედრებს ამერიკის პრეზიდენტის ახალი ადმინისტრაციის წარმომადგენლებთან, ასევე სენატორებსა და კონგრესმენებთან გამართავს.

ვიზიტის ფარგლებში მიხეილ ჯანელიძე შეხევდრას ამერიკის სახელმწიფო მდივანთან რექს ტილერსონთან გამართავს. მიხეილ ჯანელიძე ასევე შეხვდება პრეზიდენტ ტრამპის მრჩეველს ეროვნული უსაფრთხოების საკითხებში მაიკლ ფლინს. გაიმართება მინისტრის შეხვედრები სენატისა და კონგრესის წარმომადგენლებთან, მათ შორის მინისტრი აშშ-ს სენატის საგარეო ურთიერთობათა კომიტეტის თავმჯდომარეს ბობ კორკერს შეხვდება, ასევე სენატის ასიგნებების კომიტეტის თავმჯდომარეს ტედ ქოქრანს.

შეხვედრებზე განხილული იქნება საქართველო-ამერიკის სტრატეგიული პარტნიორობა და სხვადასხვა მიმართულებით თანამშრომლობის გაღრმავების საკითხები.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან