ამერიკის შეერთებული შტატების პრეზიდენტის დონალდ ტრამპის მთავარმა სტრატეგიულმა მრჩეველმა სტივენ ბენონმა ქვეყანაში არსებულ ძირითად მედია საშუალებებს „ოპოზიციური პარტიები“ უწოდა და მოუწოდა „ენა გაიკმინდონ“.

New York Times-სთვის მიცემულ ინტერვიუში ბენონმა აღნიშნა, რომ მედია საშუალებებმა „სირცხვილი ჭამეს“ როდესაც წინასაარჩევნო პერიოდში დონალდ ტრამპის გამარჯვება ვერ იწინასწარმეტყველეს და მხარს დემოკრატ კანდიდატს, ჰილარი კლინტონს უჭერდნენ.

„მედია საშუალებები სირცხვილსა და დამცირებას უნდა გრძნობდნენ. ასევე "ენა გაიკმინდონ" და უბრალოდ სხვებს მოუსმინონ. ჩვენთან მედია - ოპოზიციური პარტიაა. არა დემოკრატიული პარტიაა. მათ ამ ქვეყნის არ ესმით და დღემდე ვერ ხვდებიან, თუ რატომ გახდა დონალდ ტრამპი პრეზიდენტი“, - განაცხადა ბენონმა.

წინასაარჩევნო კამპანიის დროს 62 წლის სტივენ ბენონი დონალდ ტრამპის საარჩევნო შტაბს ხელმძღვანელობდა. 2016 წლის ნოემბერში ის მთავარ მრჩეველად დაინიშნა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია