2017-01-11 12:15:39, 2190 ნახვა
სამართალი
„გირჩის“ ოფისში სამართალდამცველები იმყოფებიან
"გირჩის" ხელმძღვანელის ზურაბ ჯაფარიძის ინფორმაციით, პარტიის ოფისში შინაგან საქმეთა სამინისტროს წარმომადგენლები იმყოფებიან.
როგორც ჯაფარიძე აცხადებს, საქმე ეხება ახალი წლის ღამეს, „გირჩის“ ოფისში მარიხუანას კულტივირებას.
„31 დეკემბერს ჩვენ ჩავიდინეთ სამოქალაქო დაუმორჩილებლობის აქტი, ჩვენ მიზანმიმართულად დავარღვიეთ სისხლის სამართლის კოდექსის 265-ე მუხლის მეორე ან მესამე ნაწილი, მაგრამ ამათ პირველი მუხლით აქვთ აღძრული. ჩვენთვის ეს არის ბრძოლა ადამიანის თავისუფლებისთვის, ეს არ არის კონკრეტულად მარიხუანას საქმე, მნიშვნელობა არ აქვს მარიხუანა იქნება თუ სხვა რამე, ჩვენ დავიცავთ ადამიანის თავისუფლებას ნებისმიერ შემთხვევაში. ეს არის პოლიტიკური აქტი, შესაბამისად რეაგირებაც ხელისუფლების მხრიდან არის პოლიტიკური“, - აცხადებს ზურაბ ჯაფარიძე.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
