მაღლაფერიძე: არ გამოვრიცხავ საზმაუზე ჟურნალისტები GDS-დანაც გადმოვიდნენ

2017-01-06 14:53:25, 2319 ნახვა

კომენტარი

საზოგადოებრივი მაუწყებლის ახლადარჩეული გენერალური დირექტორის ვასილ მაღლაფერიძის განცხადებით, მაუწყებელზე მისი მთავარი საყრდენი იქ მომუშავე ჟურნალისტები იქნებიან.

ამასთან, მაღლაფერიძეს თქმით, ის საკადრო ცვლილებებს არ გამორიცხავს და აღნიშნავს, რომ შესაძლოა ჟურნალისტები სხვადასხვა ტელევიზიიდან გადავიდნენ.

"საზოგადოებრივ მაუწყებელს აქვს თავისი სტრატეგია. ჟურნალისტები საქართელოში მუდმივად განიცდიან როტაციას. განსაკუთრებულ ცვლილებებს არ ველოდები, მაგრამ ნებისმიერი ტელევიზიიდან შეუძლია გადმოვიდეს აქ საზოგადოებრივ მაუწყებელზე და ნებისმიერ ტელევიზიაში შეიძლება გადავიდნენ. თუმცა, ჩემი ძირითადი საყრდენი იქნებიან საზოგადოებრივი მაუწყებლის ჟურნალისტები. არ გამოვრიცხავ, რომ ეს იყოს GDS, იმედი, ან სხვა", - განაცხადა მაღლაფერიძემ.

ცნობისთვის, ვასილ მაღლაფერიძე ტელეკომპანია GDS-ის გადაცემა 2030-ის ყოფილი მთავარი პროდიუსერია.

შეგახსენებთ, რომ საზოგადოებრივი მაუწყებლის გენერალურ დირექტორად ვასილ მაღლაფერიძე აირჩიეს.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან