საქართველოს ენერგეტიკისა და წყალმომარაგების მარეგულირებელ (სემეკ) ეროვნულ კომისიაში საჯარო  სხდომა მიმდინარეობს.  

სემეკმა კომპანია  "თელასსა და "ენერგო-პრო ჯორჯიას" ელექტროენერგიის განაწილების, გატარებისა და მოხმარების 2017 წლის ტარიფები უნდა დაუდგინოს.

გაიზრდება თუ არა ელექტროენერგიის სამომხმარებლო ტარიფი, სწორედ დღევანდელი სხდომის  შემდეგ  გახდება ცნობილი.

შეგახსენებთ, სემეკმა „ენერგო-პრო ჯორჯიას“  კუთვნილ ჰიდროელექტროსადგურების ელექტროენერგიის წარმოების ტარიფთან დაკავშირებით გადაწყვეტილება 23  დეკემბერს  მიიღო.

9 ჰიდტროელექტროსადგურს, ასევე "ზაჰესს" 2017 წლის ელექტროენერგიის  წარმოების ტარიფი შეუმცირდა, ხოლო ერთს-„აწჰესს“ გაეზარდა.

 აწჰესის  ტარიფი  2016 წელს 1კვტ/სთ - 4.067 თეთრია, 2017 წელს - 5.865 თეთრი იქნება. რიონჰესის  2016 წელს  1კვტ/სთ - 3.827 თეთრია, 2017 წელს  3.301 თეთრი იქნება. საცხენჰესის მოქმედი ტარიფი  1 კვტ/სთ - 6.170 თეთრია, მომავალ წელს იქნება - 5.521 თეთრი. ჩითახევჰესის  1 კვტ/სთ- 3.933 თეთრია, 2017 წელს იქნება- 3.807 თეთრი. ძევრულჰესის 1 კვტ/სთ - 2.764 თეთრია, 2017 წელს  2.616 თეთრი იქნება. გუმათჰესის  მოქმედი ტარიფია 1 კვტ/სთ- 2.385 თეთრი, 2017 წელს იქნება-2.004 თეთრი. ლაჯანურჰესის წარმოების დღეს არსებული  ტარიფია  1კვტ/სთ - 2.064 თეთრი, 2017 წელს იქნება 1.593 თეთრი. შაორჰესის მოქმედი ტარიფია   1კვტ/სთ - 2.586 თეთრი, 2017 წელს იქნება  1.933 თეთრი. ორთაჭალჰესის  - 1კვტ/სთ - 2.500 თეთრია, 2017 წელს  2.325 თეთრი იქნება. ,,ზაჰესის"   2017 წლის ელექტროენერგიის წარმოების ტარიფი  4.781 თეთრი იქნება, მოქმედი ტარიფი კი   1 კვტ/სთ - 5.225 თეთრია.

მაშინ ენერგეტიკისა და წყალმომარაგების მარეგულირებელი ეროვნული კომისიის წევრმა   გოჩა შონიამ განაცხადა, რომ  “ენერგო პრო ჯორჯია” ყიდულობს ჰიდროელექტროსადგურებიდან თავისი გამომუშავების ძირითად ნაწილს, შესაბამისად, დადგენილ ტარიფებს სამომხმარებლო ტარიფზე გავლენა ექნება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სტამბოლში სტენდაფ კომიკოსი ერდოღანზე ხუმრობის გამო დააკავეს

რუსეთის ბენზინგასამართ სადგურებზე რიგები ახლა კოსმოსიდანაც ჩანს

ნავთობგადამამუშავებელი ქარხნების დაბომბვებმა ნავთობისა და გაზის ბიუჯეტის შემოსავლები ტრილიონი რუბლით შეამცირა

ოკუპირებული ცხინვალის რეგიონის „საპრეზიდენტო“ არჩევნების ე.წ. ვადამდელი თარიღად 18 სექტემბერი დადგინდა