2016-12-23 21:54:57, 3215 ნახვა
მსოფლიო
ბრიუსელში, თურქეთის საელჩოს შენობასთან ასაფეთქებელი მოწყობილობა აღმოაჩინეს
ბრიუსელში, თურქეთის საელჩოს შენობასთან ასაფეთქებელი მოწყობილობა აღმოაჩინეს, - ამის შესახებ ინფორმაციას Derniere Heure-ი ავრცელებს.
მათი ცნობით, ადგილობრივი დროით 13:30 საათზე შენობასთან საეჭვო ნივთი აღმოაჩინეს და პოლიცია გამოიძახეს. სამართალდამცველებმა პერიმეტრი გაწმინდეს და გამნაღმველები გამოიძახეს.16:30 საათისთვის კი მათ მუშაობა დაასრულეს.
ბრიუსელის პროკურატურის წარმომადგენელმა ჟურნალისტებს განუცხადა, რომ საეჭვო ნივთი ასაფეთქებელი მოწყობილობა აღმოჩნდა. მას არ დაუკონკრეტებია, რა სახის ასაფეთქებელზეა საუბარი.
გავრცელებული ინფორმაციით, პოლიეთილენის პარკში მოთავსებული იყო გაზის ბალონი და ასანთი. ამ დროისთვის მიმდინარეობს გამოძიება.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
