ჯეჯელავა: „აუდიტორია 115“-ის გადაწყვეტილება მე-6 კორპუსის პიკეტირებასთან დაკავშირებით, დანაშაულია

2016-12-19 13:35:00, 1527 ნახვა

კომენტარი

საქართველოს განათლებისა და მეცნიერების მინისტრი ალექსანდრე ჯეჯელავა „აუდიტორია 115“-ის გადაწყვეტილებას მე-6 კორპუსის პიკეტირებასთან დაკავშირებით დანაშაულად აფასებს.

მინისტრის თქმით, მე-6 კორპუსის პიკეტირება, არის სტუდენტების გადაწყვეტილება, რომ თავიანთ მეგობრებს სწავლაში ხელი შეუშალონ, რაც ჩვეულებრივი დანაშაულია.

“უნივერსიტეტი ავტონომიურია მოგეხსენებათ და თვითონ უნდა გადაწყვიტონ ეს ამბავი. საკანონმდებლო თვალსაზრისით ჯერ კიდევ პრემიერი და მეც დავპირდით სტუდენტებს, რომ მათი მოთხოვნები იქნება გათვალისწინებული, თუმცა რა თქმა უნდა, ჩვენ არ ვიზამთ, რომ 100 სტუდენტის მოთხოვნა გავითვალისწინოთ და 20 000-ის დავტოვოთ უყურადღებოდ. ამიტომ შექმნილია პლატფორმა, შექმნილია მუშაობის მრავალფეროვანი ინსტრუმენტები და ისეთი ვარიანტი გვექნება ჩვენ საკანონმდებლო თვალსაზრისით, რომელიც თითოეულ უნივერსიტეტს მისცემს მაქსიმალურ დამოუკიდებლობას, რომ თვითონ გადაწყვიტოს თავის შიგნით როგორი ორგანიზება გააკეთონ”, - განაცხადა ჯეჯელავამ.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან