ხუციშვილი: ჩვენ არ ვაყალბებთ სტატისტიკას და ამის ტექნიკური საშუალებაც არ გვაქვს

2016-12-16 15:35:39, 1646 ნახვა

კომენტარი

შს მინისტრის მოადგილე შალვა ხუციშვილის განცხადებით, სამინისტრო სტატისტიკას არ აყალბებს და ამის ტექნიკური საშუალებაც არ აქვს, - ასე გამოეხმაურა შალვა ხუციილი სამისტროს მისამართით გამოთქმულ პრეტენზიას სტატისტიკასთან დაკავშირებით.

შალვა ხუციშვილმა, სამინისტროს სხვა თანამშრომლებმა არასამთავრობო ორგანიზაციების და მედიის წარმომადგენლებს მეთოდოლოგია წარუდგინეს, თუ როგორ დგება დანაშაულის შესახებ სტატისტიკა, ასევე რა ახალი პროგრამების დანერგვას აპირებს უწყება.

რაც შეეხება სტატისტიკის გამოქვეყნებას, ხუციშვილის თქმით, 2010 წელს უწყებებს შორის გაფორმებული მემორანდუმით, ამ სტატისტიკის გამოქვეყნება სტატისტიკის ეროვნული სამსახურის კომპეტენცია გახდა.

მისივე განმარტებით, სტატისტიკის იწარმოება ელექტრონულად, პროგრამულად, რომელსაც უზრუნველყოფს შინაგან საქმეთა სამინისტროსგან დამოუკიდებელი ორგანო, შინაგან საქმეთა სამინისტრო კი სტატისტიკას ამუშავებს, რომელსაც შემდეგ სტატისტიკის სამსახურს უგზავნის.

ცნობისთვის, პროგრამა ამ ეტაპზე საპილოტო რეჟიმით ხორციელდება, ხოლო სრულად 2017 წლის ბოლოს ამოქმედდება.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან