პრეზიდენტი „თავისუფალი დემოკრატების“ წევრებსა და „კაბელების საქმის“ ადვოკატს შეხვდა

2016-12-14 23:00:46, 1291 ნახვა

პოლიტიკა

ტელეკომპანია იმედი-ს ინფორმაციით, საქართველოს პრეზიდენტი გიორგი მარგველაშვილი დუშეთში, თავის საცხოვრებელ სახლში "თავისუფალი დემოკრატების" წარმომადგენლებს შეხვდა.

შეხვედრას "თავისუფალი დემოკრატებიდან" ნინო გოგუაძე, შალვა შავგულიძე, ასევე ე.წ. კაბელების საქმეზე დაკავებულთა ადვოკატი სოსო ბარათაშვილი ესწრებოდნენ.

როგორც შეხვედრის მონაწილეებმა იმედი-ს ჟურნალისტს განუცხადეს, შეხვედრის მთავარი თემები იყო მიმდინარე პოლიტიკური საკითხები, საკონტიტუციო კომისია და ე.წ. კაბელების საქმე.

პრეზიდენტის პოლიტიკური მდივნის, ფიქრია ჩიხრაძის ინფორმაციით, პრეზიდენტს სურდა, მიეღო ამომწურავი ინფორმაცია ე.წ. კაბელების საქმეზე.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან