„საუბარი საქართველოში შექმნილ დამოუკიდებელ სახელმწიფოებზე, არასდროს იქნება მისაღები ქართველი ხალხისა და მთავრობისთვის“

2016-12-02 20:02:54, 1352 ნახვა

პოლიტიკა

საუბარი საქართველოში შექმნილ ახალ რეალობაზე, ახალ დამოუკიდებელ სახელმწიფოებზე არასდროს იქნება მისაღები ქართველი ხალხისა და საქართველოს მთავრობისთვის, - ამის შესახებ საქართველოს პრემიერ-მინისტრმა, გიორგი კვირიკაშვილმა ბრიუსელში, ნატოს-გენერალურ მდივანთან, ინეს სტოლტნებერგთან ერთობლივი პრესკონფერნციის დროს განაცხადა.

პრემიერის განცხადებით, საქართველოსა და რუსეთს შორის ურთიერთობების გაუმჯობესების ნებისმიერი სურვილი უნდა იყოს დაფუძნებული საქართველოს ტერიტორიული მთლიანობის პატივისცემაზე, საერთაშორისოდ აღიარებულ საზღვრებში.

„ერთი მხრივ, არის გამოთქმული საქართველოსთან ზოგიერთ სფეროში ურთიერთობების გამუჯობესების სურვილი და, რა თქმა უნდა, ჩვენ ვუერთდებით ამ სურვილს, თუმცა მეორე მხრივ, არის საუბარი საქართველოში შექმნილ ახალ რეალობაზე, ახალ დამოუკიდებელ სახელმწიფოებზე, რომლებიც არასდროს იქნება მისაღები ქართველი ხალხისა და საქართველოს მთავრობისთვის. საქართველოსა და რუსეთს შორის ურთიერთობების გაუმჯობესების ნებისმიერი სურვილი უნდა იყოს დაფუძნებული საქართველოს ტერიტორიული მთლიანობის პატივისცემაზე საერთაშორისოდ აღიარებულ საზღვრებში და ეფუძნებოდეს ქართველი ერის სუვერენულ გადაწყვეტილებას, გახდეს რომელიმე ოჯახის წევრი. ეს გადაწყვეტილება, როგორც აღვნიშნე, ნათელია“,-განაცხადა გიორგი კვირიკაშვილმა.