გიგა ბოკერია: კოლბაში გამომწყვდეულ მილიარდერს ჩვენს მომავალს არ დავუთმობთ

2015-03-21 17:49:41, 584 ნახვა

პოლიტიკა

კოლბაში გამომწყვდეულ მილიარდერს ჩვენს და საქართველოს მომავალს არ დავუთმობთ“, - ამის შესახებ „ნაციონალური მოძრაობის“ ერთ-ერთმა ლიდერმა გიგა ბოკერიამ თავისუფლების მოედანზე მიმდინარე საპროტესტო აქციაზე განაცხადა.

„არავის არ დავუთმობთ ჩვენი ქვეყნის მომავალს, განსაკუთრებით კოლბაში გამომწყვდეულ მილიარდერს და მის თოჯინებს. სამი წელია ვყურებთ, თუ როგორ ანგრევენ ისინი ქვეყანას. ჩვენი ვალია ამას წერტილი დავუსვათ. ყველა ვხედავთ, რომ უბსკრულისკენ მიექანება ქვეყანა და ყველას გაუჭირდა“, - განაცხადა გიგა ბოკერიამ.

ცნობისთვის, თავისუფლების მოედანზე მთავრობის გადადგომის მოთხოვნით „ნაციონალური მოძრაობის“ აქცია მიმდინარეობს. აქციაზე ათასობით ადამიანია შეკრებილი. ადგილი სამართალდამცველები არიან მობილიზებული.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან