აჭარის საზოგადოებრივი ჯანდაცვის ცენტრმა ჯანმრთელობის გაკვეთილები განაახლა

2015-03-17 10:41:37, 558 ნახვა

საზოგადოება

აჭარის ზოგადსაგანმანათლებლო დაწესებულებებში აჭარის საზოგადოებრივი ჯანდაცვის ცენტრის წარმომადგენლების ვიზიტები დაიწყო.

როგორც „ექსპრესნიუსს“ ცენტრიდან აცნობეს, ჯანსაღი ცხოვრების წესის დამკვიდრების ხელშეწყობის ღონისძიების ფარგლებში, აჭარის სკოლებში ისევ გრძელდება შეხვედრა–საუბრები VIII – XII კლასების მოსწავლეებთან. ჯანმრთელობის გაკვეთილების თემა ,,მავნე ჩვევებია“.

ამჯერად შეხვედრა ბათუმის ილია ჭავჭავაძის სახელობის N1 საჯარო სკოლაში შედგა. შეხვედრის მიზანი კომპეტენტური ინფორმაციის ფლობაა თამბაქოს, ალკოჰოლის, ნარკოტიკების მოხმარების მავნებლობის შესახებ; ასევე მოზარდთა დარწმუნება, რომ ყოველთვის არსებობს მავნე ჩვევაზე უარის თქმის იმაზე უკეთესი მიზეზი, ვიდრე დაწყებისა.

ცნობისთვის, გასულ წელს, ცხოვრების ჯანსაღი წესის ხელშეწყობის ღონისძიების ფარგლებში აჭარის სკოლებში 7000–ზე მეტი მოსწავლისათვის 337 შეხვედრა ჩატარდა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან