თავისუფლების, სწრაფი განვითარების და კეთილდღეობის სასარგებლოდ გავაკეთე არჩევანი, - ამის შესახებ საქართველოს ყოფილმა პრემიერ-მინისტრმა ბიძინა ივანიშვილმა მთაწმინდის ოლქის საარჩევნო უბანზე ხმის მიცემის დასრულების შემდეგ ჟურნალისტებს განუცხადა.

როგორც ყოფილმა პრემიერმა აღნიშნა, არჩევნებზე საზოგადოების აქტიურობა ძალიან მნიშვნელოვანია და მას დიდი მოლოდინი აქვს.

„რატომ არის დღევანდელი არჩევნები ჩემთვის განსაკუთრებული?! ვფიქრობ, რომ მოსახლეობის უდიდესმა ნაწილმა დღეს უნდა მოახერხოს და გააკეთოს არჩევანი. ვიცი, გააკეთებს არჩევანს გააზრებულად, გონებით და არა ემოციით და რწმენით. რა თქმა უნდა არარელიგიური რწმენა მაქვს მხედველობაში. ჩვენ უახლეს ისტორიაში მოვახერხეთ, რომ ვიღაცის გვჯერა რაღაც მომენტებში, გვწვამს და ამ რწმენის მიხედვით წლების განმავლობაში ვახერხებთ, დაუჭიროთ მხარი ვიღაც პარტიას ან პოლიტიკოსს. დღევანდელი არჩევნები განსაკუთრებულია იმით, რომ ჩვენმა საზოგადოებამ, მისმა უდიდესმა ნაწილმა, მოახერხა გონებით და აზრით გაეკეთებინა არჩევანი. მე ამაზე წინასწარ ვსაუბრობ, რადგან ვიცი თუ რა მდგომარეობაა ქვეყანაში. მოხდა ხარისხობრივი გარდაქმნა. გარდა ამისა, ამომრჩევლების აქტივობა რა თქმა უნდა ძალიან მნიშვნელოვანია და ვფიქრობ, რომ აქტივობა საკმაოდ მაღალი უნდა იყოს“, - განაცხადა ივანიშვილმა.

ცნობისთვის, ყოფილი პრემიერი საარჩევნო უბანზე უფროს ვაჟთან, ბერა ივანიშვილთან ერთად მივიდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სტამბოლში სტენდაფ კომიკოსი ერდოღანზე ხუმრობის გამო დააკავეს

რუსეთის ბენზინგასამართ სადგურებზე რიგები ახლა კოსმოსიდანაც ჩანს

ნავთობგადამამუშავებელი ქარხნების დაბომბვებმა ნავთობისა და გაზის ბიუჯეტის შემოსავლები ტრილიონი რუბლით შეამცირა

ოკუპირებული ცხინვალის რეგიონის „საპრეზიდენტო“ არჩევნების ე.წ. ვადამდელი თარიღად 18 სექტემბერი დადგინდა